Jan Egil Storholt
Jan Egil Storholt (* 13. Februar 1949 in Trondheim) is en ehmalger norweegsch Iesflinklöper.
Werdegang
ännernStorholt gull as en von de gröttste norweegsch Talente bi dat Iesflinkloopen, bit he 1970 bi en Unfall in en Bargwark swoor verletzt wurr. Eerst 1972 gehör he weer to de natschonale Spitz. Nahdem eenige norweegsch Löper 1973 Profi wurrn weern, kunnen de ok nich mehr an Olympisch Spelen deelnemmen. Su wurr Storholt en vun de beste norweegsch Amateure.
Sien gröttste sportlich Erfolg weer, dat he de Goldmedaille över 1.500 m bi de Olympisch Winterspelen 1976 in Innsbruck winnen kunn.
1977 un 1979 wurr he Europameester in’ Veerkamp. In de Johren 1977 bit 1979 wurr he jeweils Viez-Weltmeester in’ Veerkamp. Eric Heiden ut de USA wurr jeweils Weltmeester.
An’ 20. März 1977 hett he up de Hochgebirgsbahn Medeo in Alma Ata (Sowjetunion, hüüd Kasachstan) över 1.500 m un in’ Veerkamp de eenzige Weltrekorde in sien Karriere upstellt.
1980 weer he Fahnendräger vun de norweegsch Mannschap bi de Anfangsfier vun de Olympisch Winterspelen 1980 in Lake Placid. Een Medaille hett he bi de Spelen aber nich wunnen.
Sien letzt groote sportlich Erfolg weer de darte Platz in’ Veerkamp bi de Iesflinkloop-WM 1981 in Oslo.
Erfolge
ännern- 1976 Olympisch Goldmedaille (1.500 m), EM-Darte (Veerkamp)
- 1977 Europameester, Viez-Weltmeester (Veerkamp)
- 1978 Viez-Weltmeester, EM-Darte (Veerkamp)
- 1979 Europameester, Viez-Weltmeester (Veerkamp)
- 1980 Viez-Europameester
- 1981 WM-Darte (Veerkamp)