Jan Georg Schütte

Jan Georg Schütte (* 6. Dezember 1962 in Ollnborg) is en düütsch Schauspeler, Speelbaas as ok Dreihbook- un Hörspeelschriever.

Jan Georg Schütte (2014)

LevenBearbeiten

Nah dat Abitur 1982 hett sück Jan Georg Schütte tüschen 1984 un 1988 in Hamborg un New York to’n Schauspeler utbillen laaten.[1] Bit 2008 harr he Engagements an dat Schauspeel Köln, dat Hamborger Thalia Theater un dat Staatstheater Hannober. 2004 geev he en Gastspeel bi de Soltborger Festspelen. In Stücken as Caligula, Liliom, Drei Schwestern oder Die Frau vom Meer hett he mit bekaant Speelbaasen, ünner annern Hans Michael Rehberg, Werner Schroeter, Jürgen Flimm un Johann Kresnik arbeit.[2]

Sien Kameradebüt geev Schütte 1995 in en Folg vun Verbotene Liebe un den Film Kommt Mausi raus?!. Sietdem arbeit he völ för Film un Feernsehn un weer as Gastdorsteller in verscheeden bekannt Serien un mehrfack ok in Tatort-Episoden to sehn.

Neben sien schauspelerisch Tätigkeit is Jan Georg Schütte ok as Speelbaas un Schriever för Film un Hörfunk tätig. Dorbi arbeit he meestens ahn vörfertigt Dreihböker un sett dorför up dat Improvisatschonstalent vun de Schauspeler, as in den 2015 mit den Grimme-Pries uttekent Speelfilm Altersglühen – Speed-Dating für Senioren oder 2019 in Klassentreffen.[3] Ähnlich maakt he dat ok in’n Hörfunk, wo Altersglühen all 2011 mit den Hörspeelpries vun de ARD bedocht wurr.

Jan Georg Schütte is siet 2000 freebereoplich tätig un leevt in de Gemeend Seestermöhlen in‘n Kreis Pinnbarg.[2]

FilmografieBearbeiten

As Schauspeler (Utwahl)Bearbeiten

Als Speelbaas un SchrieverBearbeiten

HörspelenBearbeiten

  • 2010: Seitenspringer, Regie: de Schriever, Kompositschoon: Arvild Baud (NDR)
  • 2011: Altersglühen oder Speed-Dating für Senioren, Regie: de Schriever, Kompositschoon: Johannes Huth (NDR)
  • 2012: Der Alltag des Herrn Held, Co-Schriever un -Speelbaas: Wolfgang Seesko, Kompositschoon: Andreas Bick (NDR)
  • 2013: Taxi – 21 Fahrten durch Berlin, Körthörspeelreeg, Regie: de Schriever (RBB)
  • 2014: Mutter und Sohn Live-Improvisatschonshörspeel, Regie: de Schriever (NDR/SWR)
  • 2017: Paartherapeut Klaus Kranitz – Bei Trennung Geld zurück, 3-deelig Reeg, Co-Schriever un -Speelbaas: Wolfgang Seesko (RB)
  • 2018: Paartherapeut Klaus Kranitz – Bei Trennung Geld zurück, (2. Staffel) 3-deelig Reeg, Co-Schriever un -Speelbaas: Wolfgang Seesko (RB)

Hörspeelarbeit as SpreekerBearbeiten

UtteknungenBearbeiten

WeblinksBearbeiten

  Jan Georg Schütte. Mehr Biller, Videos oder Audiodateien to’t Thema gifft dat bi Wikimedia Commons.

Enkeld NahwiesenBearbeiten

  1. https://www.filmportal.de/person/jan-georg-schuette_e7c84c1345914f57b71312ab2987487b Jan Georg Schütte bi Filmportal, afropen an’n 12. Januar 2022
  2. a b Websteed vun Jan Georg Schütte
  3. Klassentreffen FilmMittwoch im Ersten ARD. In: Das Erste. 6. März 2019, archiveert von dat Original am 7. März 2019;.