Jan Graf
Jan Graf (* 6. Juni 1973 in Buxthu[1]) is en plattdüütschen Schriever un Musiker.
He hett ünner annern in Göttingen studeert un 1999 bi NDR 1 Welle Nord in Kiel anfungen to arbeiden. 2003 hett he för een Johr in Stockholm leevt un för’n Sweedschen Rundfunk arbeidt.
2004 hett Graf den Plaggenhauer-Verlag grünnt, bi den he bet 2015 Baas weer. In dat Johr hett he den Verlag afgeven an dat Plattschapp.[2]
Von 2005 af an hett he bi Hör mal’n beten to mitarbeidt.
Graf is verheiraadt un hett veer Kinner. He leevt nu in Passaad bi Kiel.
Priesen ännern
Graf hett 2008 tohoop mit Lorbaß den Bad-Bemsen-Pries wunnen un 2011 den Nedderdüütschen Literaturpries vun de Stadt Kappeln.
Warken ännern
- So snackt wi in de Probstee. Niederdeutsche Formenlehre Heft I. rutgeven von’n Sleswig-Holsteenschen Heimatbund, Plaggenhauer 2007, ISBN 978-3-937949-06-2
- Wo denn hin mit mi? Jan Graf singt Johann D. Bellmann. (Musik-CD), Plaggenhauer, ISBN 978-3-937949-06-2
- Goot un Free. (Musik-CD), Plaggenhauer, ISBN 978-3-937949-11-6
- Mit den Regen (Musik-CD), Plaggenhauer, ISBN 978-3-937949-15-4
- De Deerten wüllt Pannkoken freten. (tohoop mit Birgit Lemmermann), Plaggenhauer 2011, ISBN 9-78398-1-3598-17
Weblenken ännern
- Websteed von Jan Graf (hoochdüütsch)
Nawiesen ännern
- ↑ NDR (2018): Jan Graf. (dt.)
- ↑ Plattschapp: Över us