Jan Hendriks Popping

Jan Hendriks Popping (* 9. Juli 1852 in Oosterwoolde; † 22. März 1927) weer Bookdrucker, Bookhändler un en plattdüütschen Schriever, de op Stellingwarfsch schreven hett.

Popping is 1852 in Oosterwoolde as Söhn von Hendrik Jan Popping un Antje Cornelis Kleisma boren. Popping hett siene Böker över de Geschicht von de Stellingwerfen in sien egen Druckeree rutgeven. Ok dat Wekenbladd De Ooststellingwerver hett he rutbröcht. Sien Book Uut het leven von 1918 is dat eerste gröttere Wark, dat op Stellingwarfsch schreven worrn is. Uut het leven is 1918 ok in Oosterwoolde un Appelsche as Bühnenstück opföhrt worrn.

Popping weer mit Elisabeth Frankes van der Horst (1849-1924) verheiraadt un de beiden harrn twee Kinner, Hendrik Jan (* 1885, Archäoloog) un Hendrikje (* 1887).

Warken

• Schetsen uit Friesland, in het bijzonder de geschiedenis betreffende Ooststellingwerf, Weststellingwerf, Schoterland, Opsterland en Omstreken van vorige eeuwen. Bijeengebracht door J. H. Popping. Oosterwoolde 1892 (Google-US)
• Ooststellingwerf. Verzameling van oudheidkundige aanteekeningen. Oosterwoolde 1903
• Schetsen uit de Geschiedenis van Ooststellingwerf. Oosterwoolde 1903
• Uut het leven: tooneelstok in drie bedrieven in het dialect der Stellingwarvers. Oosterwoolde 1918
• Geschiedkundige aanteekeningen over de Stellingwerven en omstreken. Oosterwoolde 1920