Jan Krekels

Jan Jozef Alfons Franciscus Krekels (* 26. August 1947 in Sittard) is en ehmalger nedderlannsch Radrennfohrer un Olympiasieger.

Jan Krekels (2006)

As Amateur weer Jan Krekels bannig spoodriek: Bi de Olympisch Spelen 1968 in Mexiko wunn he de Goldmedaille in dat Mannschapstietfohren, gemeensam mit Joop Zoetemelk, René Pijnen un Fedor den Hertog; in dat Eenzelstraatenrennen keem he up den elften Platz. Tovör harr he sück dör sien Siege bi de Öösterriek-Rundfohrt un anner Rennen as de Ronde van Overijssel un den Omloop der Kempen de Grundlaag schafft um överhoopt an de Olympisch Spelen deelnehmen to können.

1969 wurr Krekels Profi. 1970 wunn he de Acht van Chaam un 1972 de Ruta del Sol. 1977 wurr he nedderlannsch Viezmeester in't Straatenrennen. Dreemal is he bi de Tour de France antreden, 1971 wunn he de 19. Deelstreck.

Weblenken

• Jan krekels in de Datenbank vun Radsportseiten.net
• Jan Krekels in de Datenbank vun Sports-Reference.com (engelsch)
• Jan krekels in de Datenbank vun de Tour de France (engelsch)
• Jan Krekels up wielersport.slogblog.nl