Jana Kulhavá-Vapeniková (* 10. Juli 1964 in Ústí nad Labem) is en ehmalge tschechoslowaaksch bzw. tschechisch Biathletin.

Jana Kulhavá hett in Jablonec traineert un is för den örtlichen Verein SKP Jablonex antreeden. Se nehm eerstmals an de Weltmeesterschapen 1986 in Falun deel, wo se in' Sprints up Platz 23 un in dat Eenzel up Platz 30. keem. 1989 wurr se in Feistritz mit Renata Novotná, Jiřina Adamičková un Eva Burešová 7. in' Mannschapswettbewarf, in' Sprint 27. un in' Eenzel 30. 1990 is Kulhavá bi de Weltmeesterschapen weer antreeden, de wegen de Weerverhältnisse an dree verscheeden Öörd utdragen wurrn mussen: tonächst dat Eenzel an den oorsprünglichen Oort vun de Weltmeesterschapen, in Minsk, de Sprint un Mannschapsrennen as ok de Fruenstaffel an' Holmenkollen in Oslo un de Staffel vun de Mannlüüd in Kontiolahti. Se reck Platz 7 mit Petra Nosková un Jirina Adamičková in dat Staffelrennen un wurr mit Pavlína Brožová, Petra Nosková un Jiřina Adamičková Fievte in dat mannschapsrennen. Todem keem se in' Sprint up Platz 17 un in dat Eenzel up Platz 23.

Bi de Biathlon-Weltmeesterschapen 1991 in Lahti reck Kulhavá in dat Staffelrennen mit Petra Nosková un Jiřina Adamičková Rang 5, mit Renata Novotná, Petra Nosková un Jiřina Adamičková Platz 6 mit de Mannschap, in' Eenzel wurr se 18., in' Sprint 13. As 1992 in Albertville eerstmals Fruen in' Biathlon an Olympisch Winterspelen deelnehmen kunnen, hörr Kulhavá to de letzt gemeensam Mannschap vun de Tschechoslowakei. In' Eenzel keem se up Platz 43, reck aber mit Gabriela Suvová un Jiřina Adamičková in dat Staffelrennen den achten Platz.Bi den Biathlon-Weltmeesterschapen 1992 in Nowosibirsk, wo de nich-olympisch Mannschapsrennen utdragen wurrrn, wunn se mit Gabriela Suvová, Eva Háková un Jiřina Adamičková achter de Mannschapen ut Düütschland un de Gemeenschap vun Unafhängig Staaten di Bronzemedaille.

Hör gröttsten Erfolg reck de Tschechin in de tüschenolympisch Saison, as Tschechien eerstmals en eegen Mannschap stell. Mit Jiřina Adamičková, Iveta Knížková un Eva Háková wunn Kulhavá mit hör Staffel vör de Französinnen un den Russinnen den Titel. In' Sprint keem Kulhavá up den 17. Platz, in' Eenzel up Platz 56 un in dat Mannschapsrennen reck dat Team den twalften Platz.

Hör internatschonale Loopbahn gung mit de Deelnahm an de Olympisch Winterspelen 1994 in Lillehammer to Enn', bi de se an de Siet vun Jiřina Pelcová-Adamičková, Iveta Knížková un Eva Háková as Startlöperin to'n Insatz keem un mit de Staffel up Platz 7 lannen dee. In' Weltcup hörr Jana Kulhavá meest teihn Johr lang to' fasten Stamm. Immer weer keem se dorbi in de Punktränge, un reck mehrfack ok Top-Ten-Resultate.

Weblenken ännern