Janny Alberts-Hofman

Janny Alberts-Hofman, ook Jantje Hofmann (* 17. Oktober 1929 in Noord-Slien; † 13. Februar 2008 in Slien) was ene nederländsch-nedersassische Schrieversche, de Warken up Nederländsch un Drentsch Platt schreven het.

Se was Vörstandlid van de Drentse Schrieverskring un för dat Blad Oeze Volk un het ook Texten in verschieden Tiedschriften ruutbrocht. Mit noch annern het se den Breev van Jakobus, Psalms un Sänge uut de Bibel in’t Drentsche Platt överdregen. Se is aktiv wesen in de nederlädnsch-neddersassische Spraakorganisatschoon SONT un was Präsidentsche van de Nederlandse Christen Vrouwen Bond. In Drenthe sind vele Lüde met höör in de Kunne komen bi öör Vöörleserie op literaarschen Avenden. De Stichting Drentse Taol, de Vöörloper van’t Huus van de Taol, het 2007 en Videoportree van öör maket.

Leven

Janny Hofman, ook „Jantje“ heten, kam den 17. Oktober 1929 in Noord-Slien in de nederländsche Provinz Drenthe up de Welt. De Öllern hadden daar ene Buerie, weren reformeert un hebbt de Dochter wollbehödd un religiöös uptogen. Öör Vader was mit’n Schriever Jan Uilenberg verwandt, de dat Leed Mijn Drenthe affaat het. Later is öör Broder up de Welt komen. Al in de Jöögdtied hadde se Vermaak an’t Schrieven funnen, schreev een Dagbook un Gedichten, de se man gröttstendeels wegsmeten het. De Burendochter woll na de Huusholdschole daar Huushöllersche leren, man de Krankheed van öre Modder het de Plaans enen Pluck vöörsett. Se het den Smid Geert Alberts frigget un den Dubbelnamen Alberts-Hofman annomen. Dat Paar toog na Skoonebeek un hadde dree Söne, een is al fro doodbleven. Later is se wedder anfungen öör Gedanken in Riemels to Papeer to bringen; eerst up Nedderländsch, later up Drensch Platt, denn se bewunner dat Wark van Hans Heyting, een van den eersten Drentschen Schrievers. Eer Mann un de ook de Drentsche Schriever Roel Reijntjes hebbt eer good tosproken, dat se bi blivt up Drentsch to schrieven un Mood maket eer Wark ruut to bringen.

Binnen un buten Drenthe is Alberts-Hofman mit literaarschen Avenden, up de se eer egen Wark vördrege, bekannt worrn. De Schrieversche faat togänglike nedderländsch- un drentschsprakige Verse. Eer nederländsch Wark het enen starken religioösen Inslag. Eer Wark up Drentsch Platt het kenen starken religiösen Inflood, deen se was de Ansicht, dat se eer Glovensleven up Drentsh nich godd vertellen kann. Över eer religiööse Schreiveres see se: (…) is in de eerste plaats een zoeken naar de zin van mijn eigen leven. (…) Ik heb geen boodschap, beslist niet. Het is zo dat gedichten in mezelf geboren worden en wat ik graag wil is iets geven.” 1976 Alberts-Hofman öör erste Gedichtband Het Spinnewiel in Egenverlag ruut. Üm 1979 bet 1980 kam nocheenmaal een Nadruck bi de Verlag Hummelen in Assen ruut. Daarna kam 1979 de Gedicht band De draod löp deur ruut, twee Jaren late de Band Um hoes en hof. Un 1987 de Gedichtband Liesterkrallen bi de Verlag Het Drentse Boek, dat good ankam. 1997 kam de band Stemmen in de wind ruut, de unnerscheedlik ankeem.

Öör nederländsch Wark, dat enen starken religiösen Inslag het, kam twischen 1979 un 1989 un was ook een Erfolg. Se het ook Breev van Jakobus inn Niegen Testament up Drentsch Platt översett, so as ook Psalms un Sangen uut de Bibel. Se was aktiv binnen de nederländsch-nedersassische Spraakorganisatschoon SONT un was lange Tied Vöörsittersche van de Nederlandse Christen Vrouwen Bond in Skoonebeek.

Öör letst Wark, de Antholoige Het singende zaand kam 2004 ruut. 2006 het se dat tweesprakig nederländsch-achterhooksche Kinnerbook Eigenheimer van Elwind de Ruiter up Drentsch översett. Dat Videoportree Raand van warmte kam 2007 up Video un DVD ruut un vertellt över öör Leven.Janny Hofman-Alberts is den 13. Februar 2008 in Slien storven.

Wark

Höör Warken in Nederlandse Taal hefft enen starken religiösen Inslag, in höör Wark op Drents Platt is de religiöse Inflood nich so stark to seen. Een wichtig Thema in eer Wark is de Wunsch na Eenheid un Perfektschoon. Se het ook Texten in verscheden Tiedschriften ruutbrocht.

Up Drentsch Platt

• Het spinnewiel, Hummelen: Assen ca. 1980
• De draod löp deur Hummelen: Assen 1980.
• Um hoes en hof Hummelen: Assen 1980.
• Liesterkrallen, Het Drentse Boek: Süüdwolde, 1987.
• Stemmen in de wind, Het Drentse Boek: Süüdwolde 1997.
• Het zingende zaand, Het Drentse Boek: Süüdwolde, 2004.

Up Drentsch Platt översett

• Eigenheimer
• Jakobus, Psalms, Sangen

Up Nederlädnsch

• Gods glimlach (1984)
• Geef mij uw hand (1985)
• Terug naar de Bron (1987)
• Liesterkrallen (Gedichten, Süüddwolde, 1987)
• Groeien naar het licht (1990)
• Stemmen in de wind (1997)
• Het zingende zaand (Gedichten, Süüdwolde, 2004)

Kiek ook bi

• List vun plattdüütschen Schrieverschen

Literatuur

• Janny Alberts-Hofman, In: Henk Nijkeuter: Waor roet en blommen wortel schiet in ’t veld: Geschiedenis van de Drentse literatuur 1945-2015. Het Drentse Boek, Beilen 2016. ISBN 978-90-6509-235-9, S. 210-213.

Weblenken

• Janny Alberts-Hofman up Plattmakers Black

• Janny Alberts-Hofman In: Enyclopedie Drenthe Online
• 't Huus van de Taol oaver Janny Alberts-Hofman, mit een antal Gedichten