Jean-Philippe Leguellec

Jean-Philippe Leguellec (* 31. Juli 1985 in Kingston, Ontario) is en ehmalger kanaadsch Biathlet.

Jean-Philippe Leguellec fung 1999 as 13-johriger Royal Air Cadet mit den Biathlon an. Bi Rennen up lokal Niveau wurr he vun sien lateren Trainer Daniel Lefebvre opdeckt. De Student ut Gatineau gung för den Vereen Courcelette an den Start. Siet 2003 hörr Leguellec den kanaadschen Natschonalkader an. Sien eersten Junioren-Weltmeesterschapen weern 2003 in Kościelisko, hier weer en Platz 11 in de Verfolgung sien best Ergevnis. De Junioren-Weltmeesterschapen 2004 in Haute Maurienne leepen för hüm bannig spoodriek. In't Eenzel wurr he Veert, In' Sprint wunn he de Goldmedaille, in de Verfolgung Sülver achter Emil Hegle Svendsen. Dorto keem noch en Sülvermedaille mit de Staffel. 2005 hett he in Kontiolahti bi sien dart Junioren-Weltmeesterschapen nochmal Bronze mit de Staffel wunnen. Dorneben is he, meest mit ehrder middelmäßigem Spood, in' Junioren-Europacup antreeden. Sien letzt Junioren-Weltmeesterschapen funnen 2006 in Presque Isle statt. Hier keem he in' Eenzel up den veerten Platz un wunn de Brozemedaille in' Sprint.

Siet de Saison 2005/06 is Leguellec in' Biathlon-Weltcup start. Sien eerst Ergevnis weer Platz 71 in en Sprint in Östersund. Hööchpunkt vun de Saison weern de Olympisch Spelen 2006 vun Turin. In' Eenzel wurr Leguellec 48., in' Sprint 59. In dat Johr 2007 is he eerstmals bi Biathlon-Weltmeesterschapen an den Start gahn. Hier keem he in' Eenzel up Platz 40 un in Sprint up Platz 64 as ok mit de Staffel up Platz 17. In sien tweet Weltcup-Saison reck he up de tweet Statschoon vun de Saison 2007/08 in Hochfilzen erstmals Weltcuppunkte, as he in' Sprint up Platz 23 keem. En goot Ergevnis reckt de Kanadier as Fievt vun dat Sprintrennen bi de Sömmerbiathlon-Weltmeesterschapen 2008 in Haute Maurienne. Bi den eersten Sprint vun de Saison 2008/09 reck Leguellec in Antholz as Söbenter in en Verfolgungsrennen sien bitlang best Platzeeren, Hochfilzen keem he up den achten Platz. Dat wurr mit Afstand des beste Saison vun den Kanadiers, in de Gesamtwertung reck he den 32. Platz. Bannig spoodriek verleep ok de Saison 2009/10. Leguellec reck söss vun sien best neegen Ergevnisse alleen in disse Saison, sorünner sien sössten Rang in den Sprint vun Vancouver. Dat weer togliek sien best Ergevnis bi de Olympisch Winterspelen in sien kanadisch Heimat, wo he de eenzig Starter vun sien Land in de Eenzelrennen weer. In de Verfolgung wurr he Elft, in’ Eenzel 13. un blots in’ Massenstart reck he mit den letzten Platz as 30. en weniger goot Platzeeren. Mit Robin Clegg, Marc-André Bédard un Brendan Green keem Leguellec todem up den teihnten Platz in’ Staffel-Wettbewarf. In’ Sömmer vun dat Johr wunn de Kanadier in Jericho bi den North American Biathlon Rollerski Cup 2010 beid Titel in Sprint un Verfolgung. Nah de Spelen wurr Leguellec an dat Pfeiffersches Drüsenfeever krank De folgen Saison kunn he somit ok nich an de Leistungen vun dat Vörjohr anknütten.

To’n Uptakt vun de Weltcup-Saison 2012/13 in Östersund kunn Jean-Philippe Leguellec dat Sprintrennen över 10 km för sück entscheeden un fier dormit sien eersten Sieg in’ Weltcup un weer dormit herutragen Athlet vun en tonehmen starker wurrn kanaadsch Mannschap.

Ok an de Olympisch Winterspelen 2014 hett he weer deelnommen. In’ Sprint keem he dorbi up den 5. Platz (noch vör Martin Fourcade un Simon Eder) un in’ Massenstart up den 10. Platz un in’ Staffelloop keem de kanaadsch mannschap up den 7. Platz. Nah de Rückkehr vun de Olympisch Spelen geev Leguellec sien Karriereenn’ bekannt.

Weblenken

Jean-Philippe Leguellec. Mehr Biller, Videos oder Audiodateien to’t Thema gifft dat bi Wikimedia Commons.

• Jean-Philippe Leguellec in de Datenbank vun de IBU (engelsch)
• Jean-Philippe Leguellec in de Datenbank vun Sportsreference.com (engelsch)