Jean-Victor Bertin
Jean-Victor Bertin (* 20. März 1767 in Paris; † 11. Juni 1842 in Paris) weer en franzöösch Maler un en vun de bekanntst Landschapsmaler ut sien Tiet.
Leven
ännernJean-Victor Bertin wurr an‘ 20. März 1767 as Söhn vun en Perückenmaker in Paris boren.
Af 1785 studeer he in Paris an de Königlich Akademie för Maleree un Skulptur (Académie royale de peinture et de sculpture) Maleree bi Gabriel François Doyen (1726–1806). Later weer he ok Schöler vun Pierre-Henri de Valenciennes (1750–1819).
Af 1793 stell he sien Gemälde regelmatig in den Salon de Paris (Pariser Salon) ut un wurr 1808 sogor mit en Goldmedaille uttekent.
Vun sien tallriek Schölers wurrn eenige later bekannt Malers, as ...
- Léon Cogniet (1784-1880),
- Jean-Baptiste Camille Corot (1796-1875),
- Charles-François Daubigny (1817-1878),
- André Jolivard (1787-1851) un
- Achille Etna Michallon (1796-1822).
Jean-Victor Bertin is an‘ 11. Juni 1842 mit 75 Johren in Paris storven.