Jean Passerat (* 18. Oktober 1534 in Troyes; † 14. September 1602 in Paris) weer en franzööschen Schriever un Lyriker.

Leven ännern

Passerat hett an de Universität Paris studeert un denn toeerst an dat Collège de Plessis Ünnerricht geven. 1572 is he Perfesser för Latien an dat Collège de France worrn. He hett dor Kommentare to Catullus, Tibullus un Propertius un en poor latiensche Warken schreven, ünner annern de tweebännige Kalendae januariae et varia quaedam poemata, de 1606 in Druck gahn is.

Bekannt is Passerat as Schriever von de Satire Ménippée (La Satyre Ménippée de la vertu du Catholicon d'Espagne) von 1594 worrn. As Lyriker hett he en poor beröhmte Gedichten schreven, ünner annern de Ode Du Premier jour de mai un de Villanelle J’ai perdu ma tourterelle. En bekannt polietsch Gedicht weer Sur la journée de Senlis.