Jeremy Wotherspoon
Jeremy Lee Wotherspoon (* 26. Oktober 1976 in Humboldt, Saskatchewan) is en ehmalger kanaadsch Iesflinklöper.
.jpg)
In sien Loopbahn wurr he veer Mal Sprint-Weltmeester (1999, 2000, 2001 un 2003) un wunn 12 Mal den Gesamtweltcup (über 500 Meter 1998, 1999, 2000, 2002, 2003, 2004 un 2005 as ok över 1000 Meter 1998, 1999, 2000, 2001 un 2002).
Bi Olympisch Spelen kunn he dorgegen blots 1998 in Nagano en Sülvermedaille winnen. Bi de Olympisch Winterspelen 2002 in Salt Lake City gull he as groot Favorit up Gold över de 500 Meter. He keem aber bi sien Rennen to Fall un harr dormit kien Medaillenchance mehr. In Turin 2006 belegg he över 500 Meter Platz 9 un över 1000 Meter Platz 11.
To’n Anfang vun den Iesflinkloop Weltcup 2007/08 leep de Kanadier up de fröhere Olympiabahn vun Salt Lake City en nee 500-Meter-Weltrekord. He hett dor de olt Bestleistung vun Lee Kang-Seok um 22 Hunnertstel Sekunn up 34,03 Sekunn verbetert.
Jeremy Wotherspoon wull 2008 in Berlin sien 50. Weltcupsieg över de 500 Meter halen, lannen de he aber in’t Krankenhuus. In en Kurv is he unglückelk in de Bande rutscht un hett sück dorbi den linken Böverarm braken.[1]
Enkeld Nahwiesen
ännern- ↑ Berliner Kurier: Autsch! Kanada-Star bricht sich den Arm, 10. November 2008
Weblenken
ännern
Jeremy Wotherspoon. Mehr Biller, Videos oder Audiodateien to’t Thema gifft dat bi Wikimedia Commons.