Jill Henselwood

Gillian „Jill“ Henselwood (* 1. November 1962 in Ottawa, Kanada)[1] is en kanaadsch Springriederin.

Siet 1989 ritt se up Grand-Prix-Level, 1991 harr se hör eersten Natschonenpriesinsatz för Kanada.[2]

Hör eerst Deelnahm an en internatschonal Championat harr Jill Henselwood 1994 bi de Weltriederspelen in Den Haag. Dor is se mit dat Peerd Canadian Colours antreeden un keem mit de Mannschap up Platz 7 un in de Eenzelwertung up Platz 33. Twalf Johr later reck se mit dat Peerd Special Ed as Deel vun de kanaadsch Mannschap weer den söbenten Platz.

Een Johr later kunn se bi de Panamerikaansch Spelen 2007 mit Special Ed Gold in de Eenzelwertung un Sülver in de Mannschapswertung winnen.

In' Mai 2008 wunn se mit Special Ed den Grooten Pries vun den CSIO 5* Madrid. Later in dat Johr wunn se bi de Olympisch Sömmerspelen 2008 weer mit Special Ed tosommen mit Eric Lamaze, Malcolm Cone un Ian Millar de Mannschaps-Sülvermedaille för Kanada. In de Eenzelwertung reck se Rang 27. 2012 hett se mit de kanaadsch Mannschap ebenfalls an de Olympisch Spelen deelnommen. Dor belegg se mit dat Peerd George 126 un de kanaadsch Mannschap den 5. Platz in de Mannschapswertung un Platz 47 in de Eenzelwertung.

Se leevt in Oxford Mills, Ontario.[3]

PeerÄnnern

  • George 126 Hannoveraner Wallach
  • Special Ed (* 1994), bruun Oldenburger Wallach, Vader: Argentinus, Modervader: Grannus[4]
  • Canadian Colours (* 1979), KWPN-Rappwallach, Vader: Nimmerdor, Modervader: Doruto[5]

Enkeld NahwiesenÄnnern

  1. Canadian Olympic Team: Gillian Henselwood
  2. Informationen zu Jill Henselwood
  3. FEI-Reiterkurzbiografie: Jill Henselwood
  4. FEI-Pferdedatenbank: Special Ed
  5. Afstammen vun Canadian Colours