Joanny-Philippe Lagrula

Joanny-Philippe Lagrula (* 23. Oktober 1870; † 1950) weer en franzööschen Astronom.

Leven un WarkÄnnern

Lagrula hett 1901 in Lyon sien Dokter maakt mit en Dissertatschoon to dat Thema Étude sur les occultations d’amas d’étoiles par la Lune avec un catalogue normal des Pléiades (op platt so veel as: „Studie över’t Bedecken vun en Steernhopen dör den Maand mit en normalen Katalog vun de Plejaden”). De Düüsternis vun de Plejaden dör den Maand weer för dormolige Astronomen en wichtig Begeevnis, vunwegen de dat hülpen de, de berekente Positschoon vun den Maand mit de wohrhaftige to verglieken.

Lagrula hett toeerst an de Steernwacht vun Lyon arbeit, güng 1906 denn aver för en poor Johr as Direkter vun de Quito-Steernwacht na Ecuador. Dorna weer he bit 1924 an de Nizza-Steernwacht un wessel opletzt an de Algier-Steernwacht, woneem he 1931 Nafolger vun François Gonnessiat as Direkter worrn is. Wiel sien Tiet in Nizza hett Lagrula an’n 6. Januar 1914 den Asteroid (775) Lumière opdeckt. Na em sülvst is de Asteroid (1412) Lagrula nöömt.

PublikatschonenÄnnern

  • Observations équatoriales et méridiennes faites à l'Observatoire de Lyon, Observatoire de Lyon, 1912
  • Informe que el Director del observatorio Astronomico y Météorológico de Quita dirige al H. Sr. Ministro de l'Instruccion Publica , 1907

WeblenkenÄnnern