Johann Christoph Pezel
Johann Christoph Pezel (* 5. Dezember 1639 in Glatz, Graafschop Glatz; † 13. Oktober 1694 in Bautzen) weer en düütschen Stadtpieper un Kumponist.
Annere Schrievwiesen von’n Naam weren: Pezelius, Betzel, Betzeld, Petzold, Petzel oder Bässel.
Von 1664 af an is Pezel in Leipzig as Vigelienspeler nawiest. 1669 is he Stadtpieper worrn. 1672 hett he dat Leid över dat Collegium musicum övernahmen. 1675 un 1679 hett he sik vergevens üm en Steed as Raadsmusiker in Dresden beworven. Ok dat Thomaskantoraat kunn he 1677 nich kriegen. 1681 is he Stadtmusiker in Bautzen worrn. Pezel sien Kumpositschonen staht in de Traditschoon von de ölleren düütschen Suiten. De Melodien wiest faken franzöösche un italieensche Inflüss.
Warken
ännern- Musika Vespertina Lipsica, 1669 (Suiten för Striekers)
- Hora decima musicorum Lipsiensium, 1670 (Sonaten för Bläsers oder Striekers)
- Schöne, lustige und anmuthige neue Arien, 1672
- Bicinia variorum instrumentorum, 1675
- Delitiae musicales, 1678
- Fünfstimmige blasende Music, 1685 (Sonaten för 3 Posaunen un 2 Zinken)
- Opus musicum sonatarum praestantissimarum 6 instrumentis instructum (25 Sonaten för Striekers)