Johann Friedrich Cordemann
Johann Friedrich Heinrich Cordemann (* 23. Februar 1718[1]; † 10. Februar 1776 in Veern) weer en düütschen Verwaltungsbeamten.
Cordemann is 1718 as Söhn von Sophia Elisabeth, borene Bartels, un den Obrist Friedrich Balduin Cordemann (9. Juni 1684–1756) boren.[2] He hett 1736 en Studium von de Juristeree an de Universität Göttingen anfungen.[2] Na dat Studium güng he in’n kurhannöverschen Verwaltungsdeenst. He is 1747 Amtsschriever bi dat Amt Ostroe worrn un keem 1750 as Amtsschriever in dat Amt Oosterholt.[2] Von dor is he 1760 as Amtmann in dat Amt Calenberg versett worrn.[2] Von 1762 bet to sien Dood 1776 weer he Amtmann von dat Amt Veern.[2]
He hett 1748 Johanne Caroline Bothe († 4. Januar 1749) freet.[1] De beiden harrn een Söhn.[2] In twete Eh hett he an’n 26. Januar 1750 in Ostroe Justina Elisabeth Heider († 28. März 1763) freet.[3][1] De beiden harrn söss Kinner, ünner annern Friedrich Balduin (* 19. Juli 1750), Ernst Georg Christian (* 3. September 1751), Philippina Carolina (1. September 1752–12. November 1752), Friederica Wilhelmina Justina (10. Dezember 1754–30. Dezember 1792) un Burchard Conrad (* 4. März 1756).[3] In drüdde Eh hett he toletzt noch an’n 6. Oktober 1764 in Veern Wilhelmine Margarethe von Hattorf (28. Dezember 1731–9. Juli 1808; Dochter von Heinrich Hattorf) freet.[1] Mit ehr harr he den Söhn Friedrich Conrad Hinrich (1767–25. September 1779).[4]
Cordemann is 1776 in Veern doodbleven un an’n 17. Februar 1776 in Achem begraven worrn.[1]
Footnoten ännern
- ↑ a b c d e Die Diepholzer und Willenberger Familien: 1701-1750. Schröderscher Buchverlag, Sied 19
- ↑ a b c d e f Hans-Cord Sarnighausen: Amtsjuristen von 1717 bis 1866 in Osterholz bei Bremen. In: GENEALOGIE. Deutsche Zeitschrift für Familienkunde. 1/2015, Sieden 366–390
- ↑ a b http://www.online-ofb.de/famreport.php?ofb=teufelsmoor&ID=I94094&nachname=CORDEMANN&modus=&lang=se
- ↑ http://www.die-maus-bremen.de/kbaerbel_rot/beerdigungen/index.php?id=einzel&ia=5387