Johann Friedrich Dirks

Johann Friedrich Dirks (* 9. Februar 1874 in Emden; † an'n 31. Määrt 1949 in sien Heimatstadt) weer Journalist un en benöömde plattdüütse Dichtersmann. Sien Texten weren to 'n groten Deel verstreit in vele Dagbladen, Tiedschriften, Anthologien un Kalenner.

Johann Friedrich Dirks - Ölbild vun Ulfert Lüken, 1937

Wark

1903 is en Book vun em rutkomen: „Struukwark. Riemels un Vertellsels“, un 1960 de Band „Heimat am Meer“. Eerst in 't Jahr 2000 keem dat grote Wark „Well weet, waar 't gaud för is“ rut, daar harr Jan Koenen woll all dat tohoop stellt, wat Johann Friedrich Dirks schreven hett. Dirks sien Theaterstück „Raadsheer Hero Thiemen“ overtüügt de Minschen ok hüütodaags noch, wat he vertellt sünd Smuckstücken vun de plattdüütsche Literatur, un sien Gedichten sitten vull van Romantik, so as de Lesers dat geern hebben.

Pries

De Johann-Friedrich-Dirks-Pries sall dat Erinnern an de Dichtersmann waak hollen un sall togliek anregen, sük maal wedder mit Dirks sien verwunnerlik modern Schrievwark to befaten.