Johann Peter Christoph Friedrich Biedenweg
Johann Peter Christoph Friedrich Biedenweg (* 29. Juli 1783 in Elm; † üm 1856 in Hu’e) weer en düütschen Jurist.
Biedenweg is 1783 as Söhn von Amalia Dorothea Maria, borene Kort (11. April 1760–29. Januar 1823), un den Pastoor Carl Georg Hieronymus Biedenweg (6. November 1749–26. Mai 1826) in Elm boren un hett Ünnerricht bi sien Vader kregen.[1] Carl August Bernhard Biedenweg weer sien Broder. 1802 keem he an de Doomschool in Bremen.[1] Von 1804 bet 1807 hett he an de Universität Göttingen Juristeree studeert un dor an’n 28. August 1807 sien Dr. jur. maakt.[1]
In’n Harvst 1807 is Biedenweg von de Regerung in Stood as Avkaat bi dat Kollegium in Stood un bi dat Amt Heien tolaten worrn.[1]
As de Region 1810 in de Franzosentied Deel von dat Königriek Westfalen worrn is, hett em de König in’n Harvst as Tribunalsavkaat un Prokurater von dat Zivilgericht na Bremervöör versett.[1] Nadem de Region 1811 denn Deel von dat Kaiserriek Frankriek worrn is, weer he Avoué, Avkaat un Viez-Richter in Bremerleh un is veer Weken later Distrikts-Notar in Bremen worrn.[1] Nadem de Franzosen 1813/1814 verdreven worrn sünd, is he Bremer Börger worrn un weer dor Avkaat un Notar.[1]
An’n 7. April 1815 hett he tosätzlich dat Amt as Gerichtsverwalter von dat Gericht Hu’e övernahmen.[1] Ok in dat Gericht Nedderenn-St. Jürgen weer he Gerichtsverwalter.
He hett an’n 29. Oktober 1814 in Bremen Anna Catharina Adelheit Bredenkamp (* 17. Juli 1793) freet.[2] De beiden harrn de Kinner Amalie Dorothea Maria (* 4. Januar 1824) un Carl Johann Wilhelm (1. März 1826–22. Dezember 1858).[2]
Warken
ännern- Betrachtungen über den Nothstand und die Klagen der Ackerbau-, Handel- und Gewerbetreibenden Hannoveraner, besonders der Einwohner des Herzogthums Bremen. Bremen 1831
Footnoten
ännern- ↑ a b c d e f g h Heinrich Wilhelm Rotermund: Lexikon aller Gelehrten, die seit der Reformation in Bremen gelebt haben nebst Nachrichten von gebohrnen Bremern, die in andern Ländern Ehrenstellen bekleideten. Band 1, Schünemann, 1818, Sied 34
- ↑ a b http://www.online-ofb.de/famreport.php?ofb=vegesack&ID=I38730
