Johann Peter Grünenberg

Johann Peter Grünenberg (* 27. Januar 1668 in Horborg; † 5. Januar 1712 in Rostock) weer en düütschen Theoloog.

Johann Peter Grünenberg

Grünenberg is 1668 as Söhn von en Böverbomeester in Horborg boren.[1] He weer söss Johr in Horborg op School, is denn mit 16 na de School in Celle gahn un een Johr later na Oosterbrook un hett bi Bernhard Sievers Homiletik un Philosophie lehrt.[1] 1686 htt he en Studium an de Universität Helmstidde anfungen.[1] Na Statschonen in Hamborg un Celle keem he 1689 an de Universität Kiel üm sik in’t Dispeteren to öven un den Magister to maken.[1] Nadem he Magister weer, hett he en Studienreis dör Holland un England maakt.

He weer von 1691 bet 1694 Rekter von de Latienschool Oterndörp.[1] 1694 hett he den Posten as Rekter von de Latienschool in Horborg annahmen.[1] 1695 hett Hartog Georg Willem von Bruunswiek-Lümborg in’n Pälzer Arvfolgkrieg Grünenberg as Feldpreddiger för dat Brabanter Lager beropen.[1]

Nadem 1697 de Freden von Rijswijk slaten worrn is, is Grünenberg na Rostock gahn un hett an de Universität Rostock sien Inauguraldisputatschoon hollen.[1] He hett dor denn an’n 20. Januar 1698 den akadeemschen Graad von en Baccalaureus kregen un is an’n 14. Juli 1698 Perfesser för Theologie un Supperndent von’n mekelbörgschen Kreis worrn. In de Sommersemesters 1700 un 1706 weer he Rekter von de Universität Rostock.

Grünenberg hett 1691 Anna Maria Köpke (Dochter von David Heinrich Köpke) freet.

FootnotenÄnnern

  1. a b c d e f g h Heinrich Wilhelm Rotermund: Das gelehrte Hannover oder Lexikon von Schriftstellern und Schriftstellerinnen, gelehrten Geschäftsmännern und Künstlern, die seit der Reformation in und außerhalb den sämtlichen zum jetzigen Königreich Hannover gehörigen Provinzen gelebt haben und noch leben. Band 2, Schünemann, 1823, Sied 185