Johann Friedrich Schoof (* 21. Februar 1826 in Ritsch; † 1. Februar 1906) weer en düütschen Politiker.

Schoof is 1826 in Ritsch boren un weer Hoff- un Tegeleebesitter.

Von 1867 bet to sien Dood 1906 weer he för den Wahlkreis Hannover 30/Stood 1 (Jörk-Keden) Afornten in dat Prüüßsche Aforntenhuus. He hett dor bet 1897 to de Natschonalliberale Partei höört, is denn aver ut de Partei rut un hett to keen Partei tohöört. För em is an’n 18. April 1906 Peter Olters as Afornten nawählt worrn.

1891 hebbt Schoof un Diederich Hahn sik dor för insett, dat Riekskanzler Otto von Bismarck, de sien Amt 1890 in Kunflikt mit Kaiser Willem II. afgeven harr, wedder för den Rieksdag kannederen schull. Se wullen Bismarck in’n Wahlkreis Hannover 19 as Kannedaat opstellen. Bismarck wull dat aver nich un Hahn hett sik denn as Kannedaat opstellt un is ok wählt worrn.

Schoof weer ok Provinzialvörsitter von’n Buurnbund.