Johannes Diermissen

Johannes Diermissen (* 3. August 1823 in Loonborg; † 1893 in Ütersen) weer en plattdüütschen Schriever.

Diermissen is 1823 in Loonborg as Söhn vun’n Elvtollverwalter Justizrat Christian Bernhard Diermissen un Charlotte Louise Hornbostel boren un hett dor ok de Volksschool besöcht. Later weer he denn op dat Gymnasium in Lümborg un hett in Kiel un Berlin Recht studeert. 1848 hett he sik in’n Düütsch-Däänschen Krieg to dat Jägerbattailion in Ratzeborg mellt. Dor hett he dat to’n Leutnant bröcht. 1852 hett he as Tollbeamten in Dwerkaten anfungen. Hier deen sik twee wichtige Straten krüzen un veel Lüüd weren dor ünnerwegens. In de Gaststuven hett Diermissen allerhand Geschichten to höörn kregen, de he denn ok opschreven hett. So kemen siene eersten Böker tostannen, ünner annern Ut de Mußkist un De lütte Strohoot. Ok in de Itzehoer Nachrichten un in’n Hamburgischen Correspondenten hebbt se siene Gedichten un Geschichten afdruckt.

1857 güng he as Tollbeamten na Ütersen. Dor hett he an’n 31. Mai 1864 Lucia Lienau heiraad. De Eh bleev ahn Kinner un siene Fro is ölven Johr later doodbleven. He hett denn noch wedder heiraadt, de Gräfin Charlotte Wilhelmine Amalie Henriette von Rantzau.

Warken ännern

De Lüttje Strohoot. Chr. Bünsow, Kiel 1847 (Google)
Ut de Mußkist. Plattdeutsche Reime, Sprüche und Geschichten für Jung und Alt aus Nordalbingien. Homann, Kiel 1862 (Google)
Papageienschießen zu Pfingsten. Hamborg 1884
De veermal dode Paap vun Lüttensee
die Raubritter von Lütjensee
Der Wilde Jäger im Grönwald

Weblenken ännern

Johannes Diermissen in de PBuB (hoochdüütsch)