Johannes Höpfner
Johannes Wolderus Höpfner (* 1691 in Hamborg; † 1740 in Oterndörp) weer en düütschen Pädagoog.
Höpfner is 1691 as Söhn von’n Schoolholler Thomas Joch. Höpfner in Hamborg boren.[1] He hett sik an’n 6. Oktober 1714 as Student an de Universität Kiel inschreven, to’n 18. April 1715 an de Universität Wittenbarg un an’n 5. Oktober 1716 an de Universität Jena.[1]
1721 is he Namiddagspreddiger von de St.-Pauli-Kark in Hamborg worrn.[1]
He weer von 1728 bet to sien Dood 1740 Rekter von de Latienschool Oterndörp.
