John Bennett Fenn (* 15. Juni 1917 in New York City; † 10. Dezember 2010 in Richmond, Virginia[1]) weer en US-amerikaansch Chemiker, de 2002 gemeensam mit Kōichi Tanaka un Kurt Wüthrich den Nobelpries för Chemie kreeg.

Dr. John B. Fenn (2005)

Leven ännern

Fenn wurr in New York City boren un wuss eerst in Hackensack, New Jersey un, nahdem de Familie ümtrucken weer, in Berea, Kentucky up. He kreeg vun de Berea College den Bachelor of Arts un hett 1940 in dat Fack Chemie sien Doktertitel vun de Yale University kreegen.

Während sien Studium hett he Margaret Wilson heiraadt, de 1992 in Neeseeland bi en Autounfall storven is. Se harrn dree Kinner tosommen.

Nahdem he sien Doktertitel harr, hett Fenn för dree Johr in en Forschungsafdeelen vun de Monsanto Chemical Company in Anniston, Alabama, un dornah in de Forschungsafdeelen för Sharples Chemicals in Wyandotte, Michigan, arbeit. 1945 fung he an, för de Firma Experiment, Inc. an dat Project Bumblebee to arbeiten, en vun de United States Navy in Updrag geven Entwicklung vun en Floogafwehrrakete mit Staustrahldrievwark. Af 1952 hett he dat Project SQUID an de Princeton University leit, en vun dat staatlich Office of Naval Research (ONR) betallt Projekt to de Erforschung vun verbetert Raketenandrieven. 1955 övernehm he för een Johr in dat Londoner Büro vun de ONR de Stäe vun Verbinnengsoffizier um dornah wieder in Princeton an dat Project Bumblebee to arbeiten.

Schließlich hett Fenn 1962 en Professur an de Yale University antreden, während de he sien latere mit den Nobelpries uttekent Forschung an Makromolekülen bedreev. 1983 kreeg Fenn den Humboldt-Forschungspries för sien Leistungen up dat Gebiet vun de Molekularstrahlphysik un -chemie. Dör dissen Pries entstunn en twalv Maand düernd Tosommenarbeit mit Jan Peter Toennies an Max-Planck-Institut för Strömungsforschung in Chöttingen. Dorbi hebbt se an en Wiederentwicklung vun de Düsenstrahltechnologie arbeit.[2] Af 1994 weer Fenn Perfesser för analytische Chemie an de Virginia Commonwealth University.

John Bennett Fenn is an‘ 10. Dezember 2010 in Richmond, Virginia, storven.

Wetenschaplich Leistung ännern

2002 kreeg Fenn gemeensam mit Kōichi Tanaka „för de Entwicklung vun Methoden to de Identifikatschoon un Strukturanalyse vun biologisch Makromolekülen“ to Hälft den Nobelpries för Chemie. De anner vun den Pries kreeg de Swiezer Kurt Wüthrich „för sien Entwicklung vun de magnetisch Kernspinresonanzspektroskopie, um dormit de dreedimensional Struktur vun biologisch Makromoleküle in Lösung“.

Dat Verdeenst vun Fenn is dorbi unbestreden, wiel to Bestimmung vun groot Biomoleküle de bit dorhenn begäng Massenspektrometrie to de Stoffanalyse ungeeignet is: Hier wurrd Substanzgemische tonächst verdampt, denn elektrisch uplaaden un dornah elektrisch Feldern utsett. De dorbi insett Methode vun dat Verdampen würr groot Biomoleküle allerdings zerstören.

Fenn hett de Makromoleküleeerst in Water uplööst, üm se dorin en 3000-Volt-Feld uttosetten un dat Water langsam verdunsten to laaten, wodör de elektrisch laaden Moleküle nu de wiedere Ünnersöken togänglich weern, un nah Beschleunigung vun de unzerstört laadenen Moleküle deren Masse dör Bereknung vun de „Floogtiet“ över en bekannt Strecke berekent weern kunn. Sien Verfahren de so nömmt Elektrospray-Ionisation (ESI) hett he 1988 bekannt makt. Eerst Ergebnisse, de in Tosommenhang mit disse Veröffentlichung staht, wurrn aber all 1983/84 in Düütschland in Tosommenarbeit mit Jan Peter Toennies an dat Chöttinger Max-Planck-Institut för Strömungsforschung erarbeit.

De Relevanz för de praktisch Anwennen is dorbi meest nich to överschätzen, wiel nu kumplexe pharmakologische Substanzen erforschbor un herstellbor weern, as sück all Midden vun de 90er-Johren mit de Entwicklung vun de HIV-Proteaseinhibitoren to de AIDS-Bekämpen wiesen dee.

De Patentrechte an de Elektrospray-Ionisation wurrn Thema vun en siet 1996 loopend Gerichtsverfohren tüschen Fenn un de Yale University. Fenn wurr 2005 veroordeel, Yale över en Million Dollar Entschädigung to betallen as ok Deelen vun dat Patentrecht to överlaaten.[3]

Utteknungen ännern

Wark ännern

  • John B. Fenn, Engines, Energy, and Entropy – a Thermodynamics Primer, 1982, San Francisco, ISBN 0-7167-1281-4

Weblinks ännern

  John Bennett Fenn. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. abc13: Chemistry Nobel laureate dies in Va.
  2. idwErneut Nobelpreis an Humboldtianer
  3. Yale Daily News: Fomer prof loses ruling over patent