Joost Posthuma

Joost Hans Johannes Posthuma (* 8. März 1981 in Hengelo) is en ehmalger nedderlannsch Radrennfohrer.

Loopbahn

Posthuma wurr 2004 bi dat Team Rabobank Profi un kreeg dor en Verdrag bit 2006. Vörher weer he all twee Johr lang för de Nahwussmannschap vun Rabobank fohren. Sien Spezialdisziplin weer dat Tietfohren un dor kunn he bi de Vuelta a España all en teihnten un elften Platz halen. Sien eerst Profisieg gelung hüm bi sien eerst ProTour-Rennen Paris–Nizza nah en spoodriek Utrietversöök. 2005 nehm he to'n eersten Mal an de Tour de France deel .

Bi sien tweet Deelnahm 2006 droog he wiels de eerst Deelstreck dat witt Trikot as best Youngster.

An' 18. April 2007 is Posthuma in't Mönsterland bi en Trainingsunfall swoor to Malör kommen.

Nah sien Verletzung kunn he aber all in' Juli vun dat sülvig Johr de Sachsen-Tour winnen. Wiedere Rundfohrtsige schaff he in de folgend Johren bi de Dree Daag vun De Panne, de Luxemburg-Rundfohrt, beid in 2008 un de Ruta del Sol in dat Johr 2009.

Nah de Saison 2012 hett he sien Loopbahn afslooten.