Jose Leon Chin
Jose Leon Chin (* 1921; †) weer en Politiker ut Brietsch-Honduras (PUP, HIP).
Chin is 1921 boren un weer in de People’s United Party (PUP) un de General Workers’ Union (GWU) aktiv.[1]
Bi de Parlamentswahl in Brietsch-Honduras 1954 weer he Kannedaat för de PUP in’n Wahlkreis Corozal un hett de Wahl mit 63,2 % von de Stimmen gegen den unafhängigen William Gegg wunnen.
Dormit weer he von 1954 bet 1957 Maat von de Legislativversammlung.[1]
1956 hett binnen de PUP de Flögel ünner George Cadle Price de Bavenhand kregen un Price hett den Parteivörsitt von Leigh Richardson övernahmen. Dorüm sünd Chin un en Reeg annere Maten von’n Richardson/Goldson-Flögel ut de PUP rut un hebbt an’n 4. Oktober 1956 de Honduran Independence Party (HIP) grünnt.
Bi de Wahl 1957 weer Chin Kannedaat för de HIP in’n Wahlkreis Corozal un hett 15,3 % von de Stimmen kregen. Dormit kunn he sik nich gegen Santiago Ricalde von de PUP dörsetten.