Josef Niedermeier
Josef Niedermeier (* 7. November 1942 in Reit im Winkl) is en ehmalger düütsch Biathlet.
Josef Niedermeier weer en vun de spoodriekst düütsch Biathleten in de 1970er Johren. 1972 un 1976 hett he an Olympisch Winterspelen deelnommen. 1972 leep he in Sapporo up den 46. Platz in' Eenzel, veer Johr later in Innsbruck wurr he över de glieker Distanz 26. Sien spoodriekste Biathlon-Weltmeesterschapen leep Niedermeier 1975 in Antholz, wo he sowohl in dat Eenzel asok in' Sprint up den 5. Platz keem. Een Johr tovör harr he bi de 1974 in Minsk den sössten Platz in' Eenzel schafft.
Tüschen 1970 un 1972 weer Niedermeier dreemal in Folg Düütsch Meester över 20 Kilometer, wat sietdem kien anner Biathlet mehr schafft hett. Dat weern togliek de eerst vergeeven düütsch Meestertitel in' Biathlon. 1975 hett Niedermeier denn ok noch den Titel in' Sprint wunnen.
Nah sien aktiv Karriere weer Niedermeier Trainer vun dat Swiezer Biathlon-Natschonalteam. Nah sien Tiet in' Biathlonsport hett he sück mit Hunnensleddensport befaat un weer sössmal Europameester in disse Sportaart. Bi de Weltmeesterschapen 2003 hett he den olympischen Eid upseggt.<ref>