Juche-Klenner

De Juche-Klenner is en Klenner, de in Noordkorea bruukt warrt. Dat is en Gregoriaanschen Klenner, de aver nich von Christi Geboort as Johr 1 utgeiht, man von Kim Il-sung sien Geboort in’t Johr 1912 na Christus. „2024“ is denn to’n Bispeel dat Johr „Juche 113“. De Juche-Klenner is 1997 in Noordkorea inföhrt worrn. In de Praxis warrt denn aver faken beide Tallen angeven, to’n Bispeel „Juche 96 (2007)“.

Mit dat Johr 1912 as Basis is de Juche-Klenner mit den chineeschen Minguo-Klenner un mit de Johrtall na de japaansche Taishō-Tied övereen, wat aver Tofall is.