Jules Alphonse Hoffmann
Jules Alphonse Hoffmann (* 2. August 1941 in Echternach, Luxemborg) it en franzöösch Bioloog vun luxemborgsch Afstammen un Perfesser an de Universität Straßburg. 2011 wurr hüm gemeensam mit Bruce Alan Beutler un Ralph Marvin Steinman de Nobelpries för Physiologie oder Medizin tospraaken.
Leven un Wark
ännernHoffmann is in Luxemborg upwussen. Af 1961 studeer he an de Universität Straßburg Biologie un Chemie un kreeg dor 1969 bi Pierre Joly den Doktertitel (docteur ès sciences). Siet 1964 weer Hoffmann todem as Forschensassistent an Centre national de la recherche scientifique (CNRS) in Straßburg tätig, af 1974 as Forschensdirekter.
Hoffmann hett sück mit Insekten un de hör Hormone befaat. As Postdoktorand gung he to Peter Karlson an de Philipps-Universität Marburg. 1978 kreeg Hoffmann in Nahfolg von Joly en Professur för Zoologie un allgemeen Biologie in Straßburg. He hett sünners to den Stoffwessel vun dat Ümwannelhormoon Ecdyson forscht un to dat Afwehrsystem vun Fleegen, namentlich den Antiinfektiva, de vun Fleegen synthetiseert un de to’n Deel vun en Protein namens Toll aktiveert wurrd. Bi Minschen gifft dat ähnliche Proteine, de Toll-like Receptor nömmt wurr un en wichtige Rull bi de Ünnerscheeden vun dat Immunsystem tüschen „sülvst“ und„nich-sülvst“ spelen un Endotoxine binnnen könnt.[1]
1978 övernehm Hoffmann an dat CNRS de Leitung vun de Arbeitsgrupp „Immunantwoort un Entwicklung bi Insekten“. 1994 wurr Hoffmann Direkter vun dat Institut för molekulare un zelluläre Biologie vun dat CNRS, dat up de Campus vun de Universität Straßburg liggen deiht.[2] Disse Positschoon hull he bit 2005.[3] Hoffmann weer 2005/2006 un 2007/2008 Präsident vun de franzöösch Académie des sciences, deren Liddmaat he siet 1992 is.[4]
2011 wurr hüm gemeensam mit Bruce Alan Beutler un Ralph Marvin Steinman de Nobelpries för Physiologie oder Medizin tospraaken. Würdigt wurrrn de Opdecken vun Hoffmann un Beutler över de Aktiveeren vun de anboren Immunität.[5]
Hoffmann is verheiraadt un hett twee Kinner. Siet 1970 hett he de franzöösch Staatsangehörigkeit.
Utteknungen (Utwahl)
ännern- 1988: Liddmaat Düütsch Akademie vun de Natuurforscher Leopoldina[6]
- 1992: Liddmaat franzöösch Académie des sciences[4]
- 2003: William B. Coley Award
- 2003: Liddmaat American Academy of Arts and Sciences[7]
- 2004: Robert-Koch-Pries gemeensam mit Bruce Alan Beutler un Shizuo Akira[8]
- 2006: Liddmaat Russisch Akademie vun de Wetenschapen[9]
- 2007: Balzan-Pries gemeensam mit Bruce Alan Beutler[10]
- 2010: Rosenstiel Award gemeensam mit Ruslan Medzhitov[11]
- 2011: Canada Gairdner International Award[12]
- 2011: Shaw Prize gemeensam mit Bruce Alan Beutler un Ruslan Medzhitov[13]
- 2011: Médaille d’or du CNRS[14]
- 2011: Nobelpries för Physiologie oder Medizin gemeensam mit Bruce Alan Beutler und Ralph Marvin Steinman[5]
Weblenken
ännern
Category:Jules Hoffmann. Mehr Biller, Videos oder Audiodateien to’t Thema gifft dat bi Wikimedia Commons.
- Levensloop bi u-strasbg.franzöösch; in dat Internet Archive archiveert Lenken.
Enkeld Nahwiesen
ännern- ↑ Stefan H. E. Kaufmann: Laudatio anlässlich der Verleihung des Robert-Koch-Preises, 15. November 2004 bi robert-koch-stiftung.de; afroopen an‘ 17. Februar 2011
- ↑ Jules Hoffmann bi interacademycouncil.net; afroopen an‘ 17. Februar 2011
- ↑ Jules A. Hoffmann, Biographical Data bi balzan.org; afroopen an‘ 17. Februar 2011
- ↑ a b Jules Hoffmann bi academie-sciences.franzöösch; afroopen an‘ 17. Februar 2011
- ↑ a b The Nobel Prize in Physiology or Medicine 2011 bei nobelprize.org, 3. Oktober 2011 (engelsch; afroopen an‘ 3. Oktober 2011).
- ↑ Liddmaatverteken bi leopoldina.org; afroopen an‘ 17. Februar 2011
- ↑ List of Active Members by Class (PDF, 272 kB, S. 43) bei amacad.org; afroopen an’ 17. Februar 2011
- ↑ Träger des Robert-Koch-Preises seit 1970 bi robert-koch-stiftung.de; afroopen an‘ 16. Februar 2011
- ↑ Хоффманн Жюль Альфонс bi ras.ru; afroopen an‘ 17. Februar 2011
- ↑ Balzan Preis 2007 für Angeborene Immunität: Jules Hoffmann und Bruce Beutler bi balzan.org; afroopen an‘ 16. Februar 2011
- ↑ Lewis S. Rosenstiel Award for Distinguished Work in Basic Medical Science. Past Winners. bi rose.brandeis.edu; afroopen an‘ 16. Februar 2011
- ↑ Jules A. Hoffmann Ph.D. bi gairdner.org; afroopen an‘ 23. März 2011
- ↑ The Shaw Prize in Life Science and Medicine 2011 bi shawprize.org; afroopen an‘ 8. Juni 2011
- ↑ Médaille d'or du CNRS 2011 : Jules Hoffmann, biologiste, pionnier dans l’étude de l'immunité chez les insectes bi cnrs.fr; afroopen an‘ 23. September 2011