Julie Halard-Decugis
Julie Halard-Decugis (* 10. September 1970 in Versailles) is en ehmalge franzöösch Tennisspelerin.
Loopbahn ännern
Hör Loopbahn fung 1986 an un all een Johr later wunn se hör eerste ITF-Titel in Haddonfield (USA), Neemünster un Erlangen. Ehr eersten WTA-Titel wunn se 1991 in Puerto Rico. Enn’ 1995 weer se eerstmals de Nr. 1 in Frankriek un reck Platz 15 vun de Weltranglist. In dat sülvig Johr hett se sück aber ok mehrfack an Handgelenk un Knee besehrt un full dornah meest twee Johr lang ut.
1998 keem se up de Tour torüch un wunn de Turniere vun Rosmalen un Pattaya. 1999 reck se de Top 10 vun de WTA-Weltranglist – dat weer dat bit dorhen spoodriekst Johr as Tennisspelerin. Bi den German Open in Berlin kunn se in dat Veertelfinale Steffi Graf besiegen, wat bi en Turnier in Düütschland blots noch fiev anner Spelerinnen schafft hemm. Hör höchste Platzeeren up de Tennis-Weltranglist weer Platz 7 in’ Februar 2000 un up de Düppel-Weltranglist weer se in September 2000 sogor up Platz 1. Halard-Decugis speel för hör Land in’ Fed Cup van 1990 bit 2000 un hett ok an de Olympisch Spelen 1992 un 2000 deelnommen.
An’ 22. September 1995 hett se hör Trainer Arnaud Decugis heiraadt. Arnaud Decugis is en Grootneffe vun Max Decugis, en führen Tennisspeler vun Frankriek in de 1920er Johren. Dat Paar hett twee Kinner.
Titelgewinne (27) ännern
Eenzel (12) ännern
- 2000: Eastbourne, GBR
- 2000: Japan Open
- 1999: Auckland, NZL
- 1999: Birmingham, GBR
- 1998: Rosmalen, NDL
- 1998: Pattaya, THA
- 1996: Hobart, AUS
- 1996: Paris, FRA
- 1995: Prag, CZE
- 1994: Taranto, ITA
- 1992: Taranto, ITA
- 1991: Puerto Rico
Düppel (15) ännern
- 2000: US Open (mit Ai Sugiyama)
- 2000: Gold Coast (Anna Kurnikowa)
- 2000: Sydney (Ai Sugiyama)
- 2000: Paris Indoors (Sandrine Testud)
- 2000: Miami (Ai Sugiyama)
- 2000: Bol (Corina Morariu)
- 2000: New Haven (Ai Sugiyama)
- 2000: Tokyo Princess Cup (Ai Sugiyama)
- 2000: Japan Open (Corina Morariu)
- 2000: Moskau (Ai Sugiyama)
- 1998: Birmingham (Els Callens)
- 1998: Pattaya (Els Callens)
- 1996: Auckland (Els Callens)
- 1994: Los Angeles (Nathalie Tauziat)
- 1994: Tokio (Arantxa Sanchez-Vicario)