Julie Stevens (britische Schauspelersche)

Julie Stevens (* 20. Dezember 1936 in Prestwich, Grootbritannien) is en britische Schauspelersche un Moderatersche.

Leven un Wark

Stevens hett toeerst en Utbilln as Krankensüster maakt, güng dorna aver na’t Feernsehn. Bi’n britischen Senner ABC hett se 1957 en Lehr anfungen. Üm sik för’t Schauspelern to rüsten, hett so butendem een Speeltiet an’t Theater vun Ryde, Isle of Wight tobröcht.

Ehr Utbilln güng mit en Casting för de Rull Venus Smith in de Feernsehreeg The Avengers toenn, de sik in de tweeten Staffel mit Cathy Gale (speelt vun Honor Blackman) as Partnersche vun John Steed afwesseln schüll. Ehr Rull weer as Nachtclub- un Jazzsingersche anleggt, so dat se en jede Episood jümmer ok tomindst een Optritt to’n Singen harr. Bi de Tokiekers keem de Rull aver nich goot an, so dat se na söss Folgen wedder fallen laten weer.

Dorna hett Stevens noch in annere Feernsehregen mitmaakt, man bekannt worrn is se in Grootbritannien vör allem dör ehr Arbeit as Moderatersche vun Kinnerprogrammen as in de Sennregen Play School oder Playaway. In de 1950er un 1960er Johren hett se bito noch de Sennen The Sunday Break modereert, en religiös Programm för junge Lüüd.

Stevens is siet 1961 mit den Schauspeler John White verheiraat.

Filmografie

Johr	Titel	Synchroonsnacker
1962-63	The Avengers, Feernsehreeg dt.: Mit Schirm, Charme und Melone	Jennifer Böttcher
1964	Carry on Cleo dt.: Ist ja irre - Cäsar liebt Kleopatra	Beate Menner
1970-71	Girls About Town, Feernsehreeg
1972-74	Cabbages and Kings, Feernsehreeg
2001	Holby City, Feernsehreeg, Gastoptritt

Weblenken

• Julie Stevens in de Internet Movie Database (engelsch)