Julius Carl Friedrich Erxleben
Julius Carl Friedrich Erxleben (* 28. November 1778 in Poarnßen; † 1846 in Ossenbrügge) weer en düütschen Verwaltungsbeamten.
Erxleben is 1778 as Söhn von Dorothea Elisabeth, borene Waagen (1747-1808; Süster to Friedrich Ludwig Heinrich Waagen), un Friedrich Georg Christian Erxleben (9. September 1733-2. November 1801) in Poarnßen boren.[1]
Erxleben hett Juristeree studeert un is na sien Studium in’n hannöverschen Staatsdeenst gahn. He weer bet 1819 as Amtsassesser Baas von dat Gericht Noordholt un denn von 1819 bet 1835 Amtmann von de Gogreevschop Achem. Von 1835 bet to sien Dood 1846 weer he Amtmann von dat Amt Ossenbrügge.
He weer verheiraadt mit Charlotte Marie Elisabeth Koch (1789-17. Oktober 1854). De beiden harrn de Kinner Julius Carl Albrecht (1. Januar 1814-1887; weer Perfesser för Juristeree un Richter), Carl Wilhelm Anton (30. Dezember 1815-14. Februar 1882; weer later Landdrost in de Landdrostie Auerk) un Juliane Charlotte Amalie (* 29. Dezember 1820; hett 1841 Ludwig Erxleben freet).[1]
