Juri Sergejewitsch Rasuwajew

Juri Sergejewitsch Rasuwajew (russisch Юрий Сергеевич Разуваев; wetenschaplich Transliteratschoon Jurij Sergeevič Razuvaev; * 10. Oktober 1945 in Moskau; † 21. März 2012[1]) weer en russisch Schachgrootmeester un -trainer.

Spood as Speler ännern

Den Titel vun en Internatschonal Meester kreeg he 1973, de Grootmeestertitel dorgegen 1976.[2] He wunn de Turniere vun Dubna 1976, Polanica Zdroj 1979, Keszthely 1981, Dortmund 1985[3], Jurmala 1987, Pula 1988, Protvino 1988, Reykjavík 1990, Leningrad 1992, Tiraspol 1994, Reggio Emilia 1996 un San Sebastian 1996.

Sien letzte Elo-Tall bedroog 2540, de letzte wert Partie speel he 2001.

Schachtraining ännern

Rasuwajew weer Assistenztrainer bi twee Ex-Weltmeesters: Van 1969 bit 1974 bi Michail Botwinnik un van 1978 bit 1982 bi Wassili Smyslow. Tosommen mit Semjon Furman hett van 1973 bit 1978 Anatoli Karpow betrüet. Van 1982 bit 1994 weer he Vörsitter vun dat Trainerkomitee vun den Russischen Schachverband. Siet 1998 stunn he dat Trainerkomitee vun de FIDE vör un hett sück in disse Rull mit de weltwiet Organisatschoonvun de Utbillen vun Schachtrainern befaat. Af 2004 harr he den Titel vun en FIDE Senior Trainer inne. To sein Schölers tellen ünner annern Alexandra Kostenjuk und Jewgeni Tomaschewski.

Rasuwajew hett mit verscheeden Co-Autoren mehrere Schachböker verfaat: 1980 en Partiensammlung vun Akiba Rubinstein, 1981 tosommen mit Gennadi Nessis en Wark över den Övergang vun dat Middelspeel in't Endspeel, dat 1982 in düütsch Översetten ünner den Titel Die Kunst der Vereinfachung, Band 1 rutkeem, as ok 1984 tosommen mit Anatoli Mazukewitsch en in engelsch hollen Anspeelmonografie, The Anti-Sicilian.

Weblenken ännern

Enkeld Nahwiesen ännern

  1. Ушел из жизни Юрий Разуваев
  2. Willy Iclicki: FIDE Golden book 1924-2002. Euroadria, Slovenia, 2002, S. 76
  3. Dortmunder Schachtage - Übersicht und Berichte ab 1973