Königriek Jerusalem

Dat Königriek Jerusalem weer en vun de Staten vun de Krüüzfohrers in Outremer (Palästina). Düt Königriek hett dat vun 1099 bit 1291 geven. As dat an'n gröttsten weer, höör dor dat hüdige Israel to (man sunner den Negev), dorto en lüttjen Striepen up güntsiet vun'n Jordan na dat Rode Meer hen un de Süden vun den Libanon mit Beirut. Sien eersten Herrscher is an'n 22. Juli 1099 Gottfreed vun Bouillon wurrn. He wull nich König heten un schall sik den Titel Advocatus Sancti Sepulchri (Afkaat vun dat Hillige Graff) toleggt hebben. Man Bewiesen gifft dat dor nich för. Klor is, dat he Princeps nömmt wurrn is. De erste König vun düt Königriek Jerusalem is in dat Johr 1100 Balduin I. wurrn.

Dat Königriek vun Jerusalem sien Wapen