K.u.k.

k.u.k (ok k. u. k., roor ok k. & k.) is de Afkörten vun de Wöör kaiserlich un königlich. Düsse Beteken is in Öösterriek-Ungarn for all Institutschonen bruukt wurrn, de in beide Hälften vun dat Riek gemeensam bestahn hefft (also in de Gesamtmonarkie). 1867 weern ja in den Öösterrieksch-ungaarschen Utgliek dat Kaiserdom Öösterriek un dat Königriek Ungarn tohopenslaten wurrn. Anners wat is de Beteken kaiserlich-königlich (afkört k. k.).

Öösterriek-Ungarn sien so nömmt „Middelwapen“ 1867–1915 mit dat Wapen vun dat Huus Habsborg (Habsborgschen Löwen, Öösterriekschen Binnenschild, Lothring’schen Adler) as zentral Element.

Dat Middelwapen 1915–1918. Dor warrt dat Wesen vun de Dubbelmonarkie mit ehre twee Hälften vun dat Riek in düütlich, de dör Personal- un Realunion tohopen holen weert.

Dat eerste k (kaiserlich) stunn for den Titel Kaiser vun Öösterriek, dat tweete k (königlich) for den Titel Apostoolschen König vun Ungarn. Beide Titels höörn to den Monarken ut dat Huus Habsborg-Lothringen. Dat u twuschen de beiden ks warrt vull utspraken. Korrekt mutt dat also heten „k[a] un k[a]“.