Kamp (Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21680 | |
| Vörwahl: | 04141 | |
| Geograafsche Laag: | Koordinaten:53° 36′ N, 9° 29′ O53° 36′ N, 9° 29′ O | |
|
| ||
Kamp (hoochdüütsch Campe) is en Deel von de Gemeen Stood in’n Landkreis Stood, Neddersassen.
GeografieBearbeiten
Kamp liggt twüschen de Binnenstadt von Stood in’n Noorden, Benedixland in’n Noordoosten, Hollern in’n Oosten un Ottenbeek in’n Süden.
HistorieBearbeiten
1141 is op’n Kamp vör Stood mit dat Marienklooster en Benediktiner-Mönkklooster grünnt worrn, dat bet 1648 bestahn hett.
In Kamp hett later ok de Stoder Salien stahn.
Kamp is noch bet 1926 en egen Gemeen bleven un is denn mit de Gemeen Stood tohoopleggt worrn.
InwahnertallBearbeiten
| Johr | Inwahners |
|---|---|
| 1824[1] | 96 Füürsteden |
| 1848[2] | 563 Lüüd, 100 Hüüs |
| 1. Dezember 1871[3] | 615 Lüüd, 112 Hüüs |
| 1. Dezember 1910[4] | 1.718 |
ReligionBearbeiten
Kamp is evangeelsch-luthersch präägt un höört bi dat Kaspel von de Wilhadi-Kark in de Binnenstadt von Stood.
KulturBearbeiten
Von 1922 bet 1972 hett in Kamp de Camper Speeldeel bestahn, en plattdüütsche Theatergrupp, de in de Ümgegend temlich bekannt weer. 1934 sünd 16 Lüüd von de Camper Speeldeel doodbleven, as de Speeldeel to en Optridd in Veern ünnerwegens weer un de Bus von en Tog mit Adolf Hitler an Boord rammt worrn is.
Weertschop un InfrastrukturBearbeiten
VerkehrBearbeiten
De nächste Bahnhoff is de Bahnhoff Stood an de Nedderelvbahn, de an’n Rand von de Stoder Binnenstadt liggt.
ScholenBearbeiten
Camp hett en egen Grundschool.
FootnotenBearbeiten
- ↑ C. H. Jansen: Statistisches Handbuch des Königreichs Hannover. 1824, Sied 110: http://books.google.de/books?id=tG0AAAAAcAAJ&pg=PA110
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
- ↑ http://www.gemeindeverzeichnis.de/gem1900/gem1900.htm?hannover/stade.htm