Kanton Addelborg
De Kanton Addelborg weer as Kanton en Verwaltungsrebeed in dat Königriek Westfalen, dat blots von 1810 bet 1811 bestahn hett (Franzosentied). De Seet weer Addelborg.
Historie ännern
De Ümgegend von Addelborg hett vör de Franzosentied to dat Amt Addelborg, dat Gericht Övermeschacht un de Amtsvaagdie Masch von dat Amt Winsen in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Kanton Addelborg een von de 15 Kantons in’n Distrikt Lümborg von dat Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Addelborg is opdeelt worrn op de Mairien Addelborg un Övermeschacht in’n Kanton Bewick. Blots Lassrönn mit de Hoopterschanz un Hau is an de Mairie Flegenbarg in’n Kanton Winsen fullen. Düsse Rebeden legen all in’n Distrikt Lümborg, Departement von de Elvmünnen.
In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.
Mairien ännern
De Kanton weer indeelt in 12 Mairien:[1]
- Mairie Addelborg: Addelborg
- Mairie Lassrönn: Lassrönn, Hoopterschanz, Hau
- Mairie Hunnen: Hunnen, Farnholt, Mower
- Mairie Ollershusen: O’rshusen, Eekholt
- Mairie Övermeschacht: Övermeschacht, Neddermeschacht
- Mairie Rönn: Rönn, Krüms
- Mairie Swinn: Swinn, Stoov
- Mairie Elvstörp: Elvstörp, Drennhusen
- Mairie Draag: Draag
- Mairie Tesp: Tesp, Abendörp
- Mairie Hohnstörp: Hohnstörp, Mariendal, Rethschuer
- Mairie Hittbargen: Hittbargen, Sassendörp
Footnoten ännern
- ↑ Bulletin des lois du Royaume de Westphalie. Königliche Bookdruckeree, Kassel 1810, Sied 37
Lümborg | Medingen | Bienbüddel | Ülzen | Ebstörp | Ollenstadt | Bondiek | Bargen | Clenze | Hitzacker | Dannenbarg | Bleikd | Scharnbeek | Bewick | Addelborg