Kaoma is en ehmolige Popgrupp ut Frankriek.

Se bestünn ut fröhere Liddmaten vun de Grupp Touré Kunda üm de Singersche Loalwa Braz. To de Grupp höörn wieter de Bassspeler Chyco Dru, de Gitarrspeler Jacky Arconte, de Slagtüüchspeler Michel Abihssira, de Keyboardspeler un Produzent Jean-Claude Bonaventure, de Singersche Fania as ok de twee Dansers Chico un Roberta. De Liddmaten stammt ut verscheden Länners.

Jemehr gröttste Hit weer 1989 dat Dansmusik-Leed „Lambada“, dat in’t Original 1982 vun de boliviansche Grupp Los Kjarkas ünner den Titel „Llorando se fue“ schreven worrn is. Mit de Single weer Kaoma in Düütschland eenuntwintig Weken op’n eersten Platz vun de Charts. Dat is aver man ok jemehr eenzig Leed wesen, womit se Spood harrn.

De Singersche Loalwa Braz hett 2003 en Soloalbum mit den Titel Recomeçar publizeert.

Weblenken ännern