Karin Baal

Karin Baal, eegentlich Karin Blauermel (* 19. September 1940 in Berlin; † 26. November 2024 ebenda), weer en düütsch Theater-, Film- un Fernsehschauspelerin.

Filmloopbahn

Baal is ünner swore soziale Ümstännen in de Triftstraat in’n Berliner Stadtdeel Wedding upwussen. Nah hör Schooltiet fung se mit 14 Johr en Utbildung as Modeteknerin an.

1956 kreeg se mit, dat för de Film Die Halbstarken en junge Schauspelerin söcht wurr, de den so nöömten Tietgeist verkörpern de. Se harr zwar kien Schauspeelutbildung, kregg ünner 700 Bewerberinnen liekers de Hööftrull un en dreejohrig Schauspelerutbildungsverdrag. Fastleggt weer se aber dordör up de Rull vun en blond upsternaatsch Fru. So kreeg se ok 1958 en Nebenrull in de Film Das Mädchen Rosemarie, en Verfilmung vun dat Leben vun Rosemarie Nitribitt. In anner Filmen gung hör dat meest genauso.

1959 harr se hör Utbildung beend un harr eerste Bühnenrullen in München. Siet disse Tiet is se regelmatig in Theaters uptreden. Af de 70er Johren gung se vermehrt nah dat Feernsehn, wiels Filmrullen utblieven deen. Meestens harr se in Krimiserien Nebenrullen.

En Hööchpunkt vun hör Theaterarbeit weer de 1977 anfungen Tournee mit dat Theaterstück Die verlorene Ehre der Katharina Blum nah de Roman vun Heinrich Böll un de Tournee vun 1986 mit de Theaterstücken Geschlossene Gesellschaft vun Jean-Paul Sartre un Mord um Mitternacht vun Francis Durbridge.

Privatleven

Karin Baal hett 1959 hör Fründ ut de Jöögdtiet un Filmpartner ut Die Halbstarken Karlheinz Gaffkus, heiraat, mit de se de Söhn Thomas hett. Nah twee Johr sünd se schett wurrn un Baal gung 1962 mit den Schauspeler Helmut Lohner en tweete Ehe in. 1965 kreeg se hör Dochter Therese. De Familie leevte meeste Tiet in de Swiez. De Ehe is 1977 scheitert. Hör darte Ehemann, de Schauspeler Volker Eckstein, is 1996 an Krebs storven. Sien Dood hett hör damals düchtig för söben Johr ut de Bahn smeten. Se harr Alkoholproblemen un hör Karriere is tosommenbraaken.

2006 is the weer up de Böhn torüchkommen un hett in dat Düsseldörper Theater Komödie mit dat Stück 8 Frauen mitspeelt. To glieker Tiet wurr se mit en Matinée in dat Filmuseum Düsseldörp ehrt. In veerte Ehe weer se denn mit den dartig Johr jüngeren Kurden Cevdet Celik verheiraat. Disse Ehe is 2004 weer scheedt wurrn.

Filmografie (Utwahl)

Johr	Titel
1956	Die Halbstarken
1958	Der eiserne Gustav
1959	So angelt man keinen Mann
1960	Der Jugendrichter
1960	Wir Kellerkinder
1960	Die junge Sünderin
1961	Und sowas nennt sich Leben
1961	Die toten Augen von London
1961	Vertauschtes Leben
1962	So toll wie anno dazumal
1962	Straße der Verheißung
1964	Das Blaue vom Himmel, Feernsehn
1966	Ganovenehre
1968	Der Hund von Blackwood Castle
1970	Ein Jahr ohne Sonntag, Feernsehreeg
1977	Gefundenes Fressen
1981	Lili Marleen
1981	Desperado City
1982	Der Mann auf der Mauer
1984	Tausend Augen
1985	Die Mitläufer
1986	Dann ist nichts mehr wie vorher
1988	Der Passagier – Welcome to Germany
1989	Der letzte Gast, Feernsehn
1990	Marleneken, Feernseh-Minireeg
1991,	Scheidung a la carte, Feernsehn
1991	Im Kreise der Lieben
1992	Cosima’s Lexikon
1993	Wenn Engel reisen, Feernsehreeg
1996	5 Stunden Angst – Geiselnahme im Kindergarten, Feernsehn
2001	Sass
2003	Für immer verloren, Feernsehn
2004	Vinzent
2007	Sieben Tage Sonntag
2011	Vergiss nie, dass ich Dich liebe

Utteken

• 1961: Sülvern Bambi
• 1961: Pries vun de düütschen Filmkritik (Best Nachwuchsschauspelerin)
• 1966: Golden Kamera
• 1968: Pries vun de düütschen Schallplatt för Polly in Die Dreigroschenoper
• 1982: Iffland-Taler vun’n Club der Theatergänger, Berlin-West
• 2018: Götz-George-Pries

Weblenken

• Karin Baal in de Internet Movie Database (engelsch)
• Kortbiografie