Karkenkreis Butjadingen
De evangeelsch-luthersche Karkenkreis Butjadingen weer en Karkenkreis in Neddersassen. He hett to de Evangeelsch-luthersche Kark in Ollnborg höört. To’n Karkenkreis Butjadingen hebbt toletzt 16 Kaspels höört un he harr sien Seet in Nordenham.
Geografie
ännernDe Karkenkreis Butjadingen leeg in’n Noorden von Neddersassen. Dat Rebeed weer de noorden Deel von’n Landkreis Wersermasch un dat Land Wörden in’n Landkreis Cuxhoben.
De Karkenkreis Wersermasch grenz güntsiet de Werser in’n Noordoosten an’n Karkenkreis Bremerhoben un an dat Rebeed von de Grote Kark, de to de Breemsche Evangeelsche Kark höört, un in’n Oosten an den Karkenkreis Wersermünn. In’n Süden leeg dat Rebeed von’n Karkenkreis Stedingen, in’n Süüdwesten de Karkenkreis Ammerland, in’n Westen de Karkenkreis Varel un in’n Noordwesten de Karkenkreise Willemshoben un Jever.
Geschicht
ännernMit dat ne’e Karkengesett von de ollnbörgsche Landskark sünd to’n 1. Januar 2001 de Gemenen Roonkarken, Swei un Deesdorp von’n oplöösten Karkenkreis Braak Deel von’n Karkenkreis Butjadingen worrn.
De Karkenkreis hett sik to’n 1. Juli 2007 dör Fusion mit’n Karkenkreis Stedingen tohoopdaan un den ne’en Karkenkreis Wersermasch billt.
Kreispfarrer
ännern- 1920–: Hans-Heinrich Stölting
- ~1966: Werner Lindenberg
- –31. Oktober 1989: Eberhard Strecker
- 1. November 1989–30. Juni 2007: Walter Janßen
Karkengemenen in’n Karkenkreis Butjadingen
ännern- Laurentius-Kark in Abbusen
- Hippolyt-Kark in Blexen
- Petri-Kark in Braav
- Laurentius-Kark in Deesdorp
- Lamberti-Kark in Eckwarden
- Matthäus-Kark in Esenshamm
- Trinitatis-Kark in Jade
- Laurentius-Kark in Langwarden
- Karkengemeen Nordenham (mit de Marien-Kark in Atens un de Martin-Luther-Kark in Nordenham)
- Matthäus-Kark in Roonkarken
- Secundus-Kark in Swei
- Vitus-Kark in Sweiborg
- Kark in Seefeld
- Nikolai-Kark in Stollhamm
- Bartholomäus-Kark in Tossens
- Marcellinus-Kark in Waddens