Karkhööv in Bremerhoben

Dit is en Översicht över de Karkhööv in Bremerhoben.

De Stadtdeel Schippdörperdamm hett fröher to de Gemeen Schippdörp höört un höört bet vondaag to dat Kaspel von de Martinskark in Schippdörp. De Doden warrt ok nu noch op’n Karkhoff von Schippdörp begraven. Ok de Doden ut Suurheid warrt dor begraven. De Zion-Kark in’n Stadtdeel Weddewarden hett ehren Karkhoff in Imßen, wat to Neddersassen höört. Disse beiden Karkhööv staht mit in de List von de Karkhööv in’n Landkreis Cuxhoben.

De Dionysius-Kark, de Marienkark un de Dionysius-Kark harrn fröher ok Karkhööv, de direkt üm de Kark rüm legen. An de beiden Dionysius-Karken staht noch enkelte Graffsteen ut disse Tied, bi de Marienkark staht gorkeen mehr. Düsse Karkhööv sünd to’n gröttsten Deel rüümt un denn beboot worrn.

ListÄnnern

Karkhoff Leh IÄnnern

 
Graff von Georg Wilhelm Claussen op’n Karkhoff Leh I

De Karkhoff Leh I is 1823 anleggt worrn. De Karkhoff hett dree grote Gruften.

Karkhoff Leh IIÄnnern

 
Gruft von Bernhard von Glahn op’n Karkhoff Leh II

De Karkhoff Leh II is 1850 anleggt worrn. De Karkhoff hett een grote Gruft.

Karkhoff Leh IIIÄnnern

 
Mausoleum R. Rahusen op’n Karkhoff Leh III

De Karkhoff Leh III is in’n April 1868 anleggt worrn un 13,5 Hektar groot. De Karkhoff hett en Kapell, de 2002 ümboot worrn is, un dor staht een Mausoleum un een Gruft.

Karkhoff Spadener HöhÄnnern

De Karkhoff Spadener Höh is 1964 anleggt worrn un 14,3 Hektar groot. De Karkhoff hett siet 1990 ok en egen Krematorium. Dor gifft dat ok en extra muslimsch Grafffeld. Verbunnen mit’n Karkhoff Spadener Höh is en jöödsch Karkhoff, de siet 2014 för jöödsche Gräffnisse apensteiht.

Karkhoff GeestmünnÄnnern

 
Luftbild von’n Karkhoff Geestmünn 2012
 
Kapell von’n Karkhoff Geestmünn

De Karkhoff Geestmünn is 1892 anleggt worrn un 15,9 Hektar groot. De Karkhoff hett en egen Kapell.

Karkhoff WulsdörpÄnnern

 
Kapell op’n Karkhoff Wulsdörp

De Karkhoff Wulsdörp is 1871 anleggt worrn un 9,366 Hektar groot. De Karkhoff hett en egen Kapell, de 1887 von Louis Löschner boot worrn is, un harr bet 1990 ok en Krematorium. Dat gifft dor en Mausoleum för Heinrich Ahlers un en grote Gruft för de Familie Sprickerhoff. De Anlaag plaant hett Wilhelm Benque.

Op’n Karkhoff sünd ünner annern de Opper von’n Anslag op de Mosel begraven. Ok de Familien von Eide Siebs, Friedrich Busse, Wilhelm Schuchmann, Peter Rickmers, Hinrich Schmalfeldt un Waldemar Becké hebbt hier Graffsteden.

Karkhoff Oold-WulsdörpÄnnern

De Karkhoff Oold-Wulsdörp is 3,5 Hektar groot.

Jöödsch Karkhoff LehÄnnern

 
Graffsteen op’n jöödschen Karkhoff Leh

De jöödsche Karkhoff Leh is 1768 anleggt worrn. De Karkhoff is nu vull beleggt. Siet 2014 steiht dorüm en Stück von’n Karkhoff Spadener Höh för jöödsche Gräffnisse apen.

LiteraturÄnnern

  • Ralf Koop: Der Geestemünder Friedhof. Eine Dokumentation 1859 - 2010. Bremerhoben 2011

FootnotenÄnnern

  1. Satzung des Ev.-luth. Friedhofsverbandes Geestemünde-Wulsdorf-Schiffdorf
  2. Satzung des Ev.-luth. Friedhofsverbandes Geestemünde-Wulsdorf-Schiffdorf

WeblenkenÄnnern

  Karkhööv in Bremerhoben. Mehr Biller, Videos oder Audiodateien to’t Thema gifft dat bi Wikimedia Commons.