Karl-Heinz Mursch

Karl-Heinz Mursch (* 25. September 1911 in Krotoschin; † 13. Juni 2002) weer en düütschen Politiker von de CDU.

Mursch is 1911 in Krotoschin boren. Na dat Abitur 1930 is he in de Rieksmarien intreden un hett sik dor to’n Offzeer utbillen laten. As Korvettenkoptein von de Kriegsmarien hett he von 1939 bet 1945 an’n Tweten Weltkrieg deelnahmen. Toletzt keem he in brietsche Fungenschop, ut de he 1945 wedder free keem.

Mursch hett toeerst as Referent bi de Düütsche Minenrüümdeenstleitung arbeidt. Later weer he Baas von en Afdeel in en Groothannel in Hamborg. Von 1946 bet 1949 weer he bi dat Hamborger Seeschippfohrtsamt. 1949 is he as Beamten in dat Bundsverkehrsministerium wesselt. He weer dor ünner annern Persönlichen Referent un Pressereferent von Bundsverkehrsminister Hans-Christoph Seebohm. 1969 is he as Ministerialraad ut’n Staatsdeenst utscheden.

Mursch is bi de Bundsdagswahl 1969 för den Wahlkreis Horborg-Soltau in’n Düütschen Bundsdag wählt worrn un bi de Bundsdagswahl 1972 noch wedder. He is bet 1976 in’n Bundsdag bleven. Von 1973 bet 1977 weer he ok Maat von dat Europääsche Parlament.