Karl Kling (Rennfohrer)

Karl Peter Ludwig Artur Kling (* 16. September 1910 in Gießen; † 18. März 2003 in Hemmenhofen an‘n Bodensee) weer en düütsch Automobilrennfohrer.

Hermann Lang un Karl Kling (stahnd) 1951

Leven ännern

1936 keem Kling to dat Mercedes-Team un, ofschons he goot Runnentieden bi Probefohrten recken dee, muss he in de Herstellungsafdeelen arbeiten. Rennbaas Alfred Neubauer hett lever up Rudolf Caracciola, Manfred von Brauchitsch un Hermann Lang sett.

Nah 1945 is he för BMW un Veritas bi Rennen in Düütschland antreeden, wiel de Düütschen 1945 bit 1949 van de Deelnahm an internatschonalen Rennen utslooten weern. Kling wurr mit Veritas 1948 un 1949 Deutscher Sportwagenmeister in de Klass van de 2-Liter-Sportwagen, de dormals gröttste Sportwagen-Klass.

1951 kehr he torüch to dat Mercedes-Sportwagenteam un kunn 1952 den Sieg bi de Carrera Panamericana dwars dör Mexiko nah en 19 Stünnen düern Fohrt un den tweeten Platz bi de Mille Miglia (tosommen mit Hans Klenk (Rennfohrer)|Hans Klenk]] recken. He wurr as eerst Automobilrennfahrerto’n düütschen Sportler van dat Johr 1952 wählt. 1953 muss he nah en Trainingsunfall utsetten.

 
Karl Kling in den „Silberpfeil“ W 196, bi AvD-Oldtimer-Grand-Prix 1976.

In de Formel-1-Saison 1954 weer Kling Deel van dat nee grünnd Mercedes-Formel-1-Team, kunn sück aber gegen sien Teamkollegen Juan Manuel Fangio nich dörsetten. He hett aber en tweeten Platz bi den GP von Frankriek in Reims haalt. In de Grsamtwertung van dat Johr keem he up den 5. Platz. In de Saison 1955 weern Fangio un Stirling Moss de best Fohrer. Bi den Veerfackspood vun de Silberpfeile bi den Grooten Pries van Grootbritannien stunn he as Dart to’n tweeten Mal up dat Podest. In de Gesamtwertung reck he den 11. Platz.

Enn’n 1955 truck sück Mercedes ut de Formel 1 torüch. Rennbaas Alfred Neubauer hett sück to Ruh sett un Kling wurr sien Nahfolger. Ünner hüm as Rennbaas wunn Mercedes to Anfang van de 1950er Johren en Reeg van internatschonal Rallyes, as veermal in Reeg de Rallye Polen, Monte Carlo 1960, Akropolis 1960, 1000-Seen 1961, Sofia-Lüttich-Sofia 1962 un 1963, Groot Straatenpries van Argentinien 1961 bit 1964. Sien Team stell den Rallye-Europameester, 1960 Walter Schock un 1962 Eugen Böhringer, to en Tiet, as dat nock kien Rallye-Weltmeesterschap geev. Kling sülvst hett noch en paar lüttgere Rennen bestreeden, sien letzt bei Siege weern 1959 Marathon-Rallye Mediterranee – Le Cap un 1961 de Rallye Algier-Zentralafrika-Algier.

1968 gung Kling in den Ruhestand un leev in sien Huus in den hüdigen Gaienhofener Oortsdeel Hemmenhofen an‘n Bodensee, wo he 2003 storven is.

För sien sportlich Leistungen kreeg he an‘n 19. März 1953 dat Sülvern Lorbeerblatt.[1]

Schriften ännern

  • mit Günther Molter: Teufelsfahrt durch Mexiko. Blüchert, Stuttgart 1953.
  • mit Günther Molter: Jagd nach dem Sieg. Ein Rennfahrer erzählt. Blüchert, Stuttgart 1954.

Weblinks ännern

  Karl Kling. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Sportbericht vun den Bundsregeeren van’n 29. September 1973 an den Bundsdag, Drucksache 7/1040, Siet 67