Karl Lemmermann
Karl Johann(es) Lemmermann (* 28. September 1865[1] in Buxthu; † 12. April 1941[1] in Hannover) weer en düütschen Pastoor.
Lemmermann is 1865 as Söhn von Catharina Höft un Cord Lemmermann in Buxthu boren. De Agrikulturchemiker Otto Lemmermann weer sien Broder.[2]
He is 1893 Vikar in dat Stephansstift Hannover worrn.[1] 1910 is he Pastoor an de Marktkark St. Jacobi in Aimbeck worrn un denn in de Bethlehem- un St. Martin-Gemeen in Hannover-Linden.[1] Na disse Tied weer he an de Heel- un Pleeganstalt Hilmssen.[1] Von 1911 bet 1933 weer Lemmermann Schriftbaas von de Tiedschrift Wanderer. He weer Vereensgeistlichen von’n Neddersassischen Harbargsverband un von 1922 bet 1926 Geschäftsföhrer von’n Harbargsverband un ok Geschäftsföhrer von’n Gesamtverband düütsche Verplegungsstatschonen un Wannerarbeidssteden.[1] Von 1927 bet 1934 weer he Vörsitter von’n Landsverband Hannover von’n Martin-Luther-Bund. Tosätzlich weer he ok Vörsteher von dat Henriettenstift in Hannover.
1955 is dat Karl-Lemmermann-Huus in Hannover grünnt worrn, dat na em den Naam kregen hett.
Footnoten ännern
- ↑ a b c d e f Sommerfest bei Karl Lemmermann, www.fidele-doerp.de
- ↑ http://records.ancestry.de/karl_johann_lemmermann_records.ashx?pid=116903696