De Kattau-Möhl is en Gebüüd mit fiev Etaaschen in Buxthu, dat as Bodenkmaal schuult is. Dat Gebüüd liggt an de Eestbrügger Straat 2b an’n Westviver, wat en Arm von de Eest is, de to’n Haven von Buxthu höört.

Historie ännern

An de Steed von de Kattau-Möhl is 1820 en Kalkbreneeree boot worrn. Later stünn dor de Zementfabrik Brunkhorst & Westphalen. 1910 hett Wilhelm Matthies mit sien Ünnernehmen Stackmann & Matthies Getreide- und Futtermittelgroßhandlung de Fabrik köfft. De Fabrik is denn afreten worrn un 1912/1913 is dor de hüdige Möhl ut rode Klinkers boot worrn, de denn 1914 anfungen hett to lopen. Dat weer toeerst en Dampmöhl, in de Johren 1920 is de Möhl ümboot worrn un is denn elektrisch lopen.

1931 hett Erich Meyer de Möhl köfft, wat en Swiegersöhn to August Kattau weer. De Möhl is denn ünner den Naam Möhlenwarken F. A. Kattau lopen. Dat hett bet 1964 duurt. Denn hett de Möhl dichtmaakt. Dat Gebüüd hett von 1964 af an de Firma Elektro-Lühning as Lager bruukt un 1979 is dat Geschäft Idee-Möbel dor intagen un dor bet 2012 bleven.

2011 hebbt Hans un Claus Heinrich, fröhere Egendömers von SAL Heavy Lift, dat Gebüüd von de WMG-Grundstückssellschop (de dat Gebüüd siet 1979 tohöört hett) köfft un dat saneren laten. 1913 hebbt se blots in dat Rebeed bi de Eest Pähl inrammt. Op dat annere Enn stünn dat Gebüüd aver ok op Törfgrund un is över de Tied 37 Zentimeter afsackt. De scheve Laag is 2013 denn wedder trechrückt worrn. Dat Gebüüd is kumplett ümboot worrn. Siet 2014 sünd dor op 2100 m² en Physiotherapiepraxis, en Putzbüdel, en Café un 14 Wahnungen ünnerbröcht.

Weblenken ännern


Koordinaten:53° 29′ N, 9° 42′ O