Kazoo
Da Kazoo (kɛˈzuː) is en lütt Membranophon, dat to den Ansingtrummels (Mirlitons) hörrt. Dör dat Anspreken oder Ansingen wurrd en Membran in Schwingung versett un dormit de Ton vun de eegen Stimm verännert.
.jpg)
Kazoos kommt faken in en charakteristisch Förm vör: en etwa 10–12 cm lang, licht rechteckig lütt Röhr, dat to’n Enn’ hen spitz tolöppt, aber dennoch apen is. Up dat lütt Röhr sitt en runden, halfapen Holler, ünner de en Pergament-Membran loos upliggt. Dat gifft Kazoos in verscheedenst Förmen. De Membranholler kann baven oder sietlich anbrocht ween.
Kazoos weerd ut verscheeden Materialien herstellt. An’ meesten un an’ billigsten is Kunststoff, wat den typischen quäkenden Klang noch hervörhevt. Kazoos ut Metall klingen heller un sünd stabiler, aber dorför ok wat düerer. Kazoos ut Holz sünd relativ edel un hebbt en warmen un weeken Klang.
Dat funktioneert ähnlich as de olde Technik vun dat Kamm-Blasen, wobi en licht saxophonoordiger Klang entsteiht. En Kazoo is aber kien Blasinstrument. Dor wurrd nämlich nich rinpuust sonnern rinsungen. Mit de eegen minschlich Stimm wurrd de lütt Pergamentmembran to’n Schwingen brocht. Dat Ergebnis is denn en quäkig, nasal, verzerrten Klang. De Tonhööcht hangt alleen vun de Ton af, mit de man rinsingen deiht.
Vörlööper vun de Kazoos gifft dat all siet mehreren Johrhunnerten in Afrika. Während dat in de 1920er Johren regelrecht Kazoo-Orchester geev un dat Instrument ok as Melodiestimme insett wurr, speelt dat to Tiet meest blots en Rull as Effektinstrument oder musikalisch Gag.
Weblenken
ännern
- oozak - Kazoo Webseite (engelsch)
- kazoos.com - How To Play Kazoo (engelsch)