Dannenappel
(wiederwiest vun Kienappel)
En Dannenappel is de schuppige holten Kegel bi de Nadelbööm, wonehm sik de Saat vun disse Bööm finnt. Bi de Dann is dat 'n Dannenappel, bi de Föhr warrt dat Kienappel nöömt.
Bi de ünnerscheedlichen Nadelbööm sitt disse „Appeln“ op ünnerscheedliche Oort op de Twiegen. Bi de Dann staht se oprecht. Bi de Ficht hangt se daal. Bi de Swattföhr staht se waagrecht af.
Bi welke Oorden (as t.B. bi de Dann) fallt de Dannenappel utenanner, wenn de Saat riep is. Op de Eer finnt sik denn keen hele Dannenappeln. Bi de Föhr (un ok bi de Ficht) fallt de hele Kienappel op de Eer daal. Blots warrt vörher de Schuppen opmaakt, sodat de Saat rutfallt.
