Kilkenny

De Stadt Kilkenny (irisch Cill Chainnigh, dat bedüüd: Kark des Canisius) liggt in’ Süüdoosten vun Irland an de Nore. Se is Verwaltenssitt vun de glieknaamig County un hett 8.661 (mit Vororten 22.179) Inwahner (Stand 2006).

Se is dör hör völ middelollerich Bauwarken und at rege Nachtleven beröhmt. In de Welt bekannt ist Kilkenny vör allen dör dat glieknaamig Beer.

Historie

De hillig Canisius (St. Canice), nah de de Stadt nömmt wurrn is, hett hier in dat 7. Johrhunnert anb de Stä vun de hüdige Stadt de Sankt-Cainnech-Kathedrale erricht. In’t 12. Johrhunnert hebbt se dor en Borg erricht un 1202 wurr Kilkenny Bischopssitt.

In dat Johr 1366 wurrn de so nömmt Kilkenny-Statuten erlaten, de Engländers un Iren verboden hebbt, sück to „vermischen“. 1391 hett de Familie Butler de Borg erworben un in de Folgetiet hett Kilkenny as englischtrüe Stadt en Upswung beleevt.

Van 1642 bit 1648 hett hier dat Parlament vun de anglo-irisch Konföderatschoon taagt; somit weer Kilkenny de Hööftstadt vun dat damalige Irland. In’t 19. Johrhunnert beleev Kilkenny vun goode Stratenverbinnen nah Dublin un Cork en weertschaplichen Upswung. In’t 20. Johrhunnert wurr de Stadt to en Zentrum för dat Kunsthandwark.

Kilkenny Castle
Klimadiagramm vun Kilkenny

Wat man sück ankieken kann

Kilkenny 1780

Kilkenny Town hett en good erhollen un pleegt middelollerich Stadtkarn mit lütt Straaten un dat Castle of Butlers, wat man ok as Kilkenny Castle kennt. De Normannenborg wurr 1391 as Familienseet vun de Ormonds erricht, de dat Slott bit 1935 bewahnt hebbt. De hüdige Borg stammt in’t wesentliche ut dat 19. Johrhunnert.

Bauwarken in de Oldstadt

In de Hööftstraat befind sück dat Rothe House, en renoveert Koopmannshuus ut dat 16. Johrhunnert, wat all Mermalen ut de Tudor-Tiet hett..

In de sülvig Straat is ok dat Raathuus (The Tholsel), wat 1761 baut wurrn is. Dat Huus hett en achteckig lütten Toorn..

Karken

Kilkenny hett mehrere Karken, de man sück ankieken sull: Black Abbey ut dat 13. Johrhunnert mit muie Binnensmuck, dat Stadtwohrteken, de St. Mary's Cathedral (kathoolsch) ut dat 19. Johrhunnert as ok de Ruine vun de St. Francis Abbey, en Franziskaner-Kloster, up dat Gelände vun de 1710 gründt Smithwick's Brewery.

De Kark, de an’ meesten Indruck maken deiht, is aber de anglikaansch St. Canice's Cathedral. Se ist de tweetgröttste Kathedrale Irlands. De fröhgootsch Kathedrale wurr tüschen 1202 un 1285 erricht un ünner Bischop Geoffrey St Ledger inweeht. In dat Johr 1332 is de Glockentoorn tosommenfallen un muss nee upbaut wurrn. Den Vierungstoorn wullen se domals grötter maken, hebbt dat aber denn doch laaten. Neben de Kathedrale steiht noch en Rundtoorn, de ut dat Johr 849. Dat Chorgestöhl vun St. Canice stammt ut dat Johr 1904 un is en exakte Kopie vun dat Chorgestöhl in de Kathedrale vun Brügge. In de Reformatschoonstiet hebbt se de Kark mehrfak plünnert. Um 1650 wurr se vun de truppen vun Oliver Cromwell ok plünnert un as Stall bruukt.

Sport un Freetiet

Kilkenny is en Hoochborg vun de typisch irisch Sportoort Hurling. Besünners in’ Süüden vun Irland nemmt de best Hurlingspelers den Status vun en Superstar in. Kilkenny hett aber ok de Kilkenny Rugby Football Club, de all völ Speler för de irisch Rugby-Natschonalmannschap abfstellt hett.

Weblenken

Kilkenny. Mehr Biller, Videos oder Audiodateien to’t Thema gifft dat bi Wikimedia Commons.

Webseite von Kilkenny (engelsch)