Kiryl Stupak
Kiryl Stupak (wittrussisch: Кірыл Сяргеевіч Ступак; russisch: Кирилл Сергеевич Ступак; Transkriptschoon Kirill Sergejewitsch Stupak; FIDE-Schrievwies Kirill Stupak; * 16. März 1990 in Minsk) is en wittrussisch Schachspeler.
Leven
ännern
Stupak hett 2006 de wittrussisch U16-Meesterschap wunnen. In‘n September 2008 wunn he in Herceg Novi de U18-Europameesterschap im Blitzschach. 2009 wurr he wittrussisch U20-Meester. För de wittrussisch Natschonalmannschap hett he an de Schacholympiaden 2010 in Chanty-Mansijsk, 2012 in Istanbul, 2014 in Tromsø un 2016 in Baku deelnommen. 2010 reck he dorbi dat dartbeste Eenzelergevnis van all Reservespeler.[1] Bi de Mannschapseuropameesterschapen 2013 in Warschau speel he an dat Reservebrett un wunn en individuelle Bronzemedaille.[2] In‘n Januar 2014 wunn he in Minsk, van de Settliste her an söbente Stäe, de 80. Landsmeesterschap van Wittrussland (vör Aljaksej Aljaksandrau, Sjarhej Schyhalka, Andrej Schyhalka, Vitaly Teterev, Wladislaw Kowaljou un annern).[3][4]
Sien Vereen is Vesnianka-Gran Minsk, mit den he veermal an den European Club Cup deelnommen hett.[5]
In’n Juni 2007 kreeg he van de FIDE den Titel Internatschonaler Meester verleeht. Grootmeester is he siet Februar 2011.[6] Sien bither hööchste Elo-Tall weer 2588, de he in’n Dezember 2017 reckt hett.
Weblinks
ännern
Enkeld Nahwiesen
ännern- ↑ Kiryl Stupak sien Ergevnisse bi Schacholympiaden up olimpbase.org (engelsch)
- ↑ Kiryl Stupak sien Ergevnisse bi Mannschapseuropameesterschapen up olimpbase.org (engelsch)
- ↑ Turniertabelle vun de wittrussisch Meesterschap 2014 (wittrussisch)
- ↑ Ergevnis (engelsch)
- ↑ Kiryl Stupak sien Ergevnisse bi European Club Cups up olimpbase.org (engelsch)
- ↑ GM-Andrag (engelsch)