Klabautermann

En Klabautermann, Klabattermann oder Kalfatermann is een lüttjet Männeken, de luut den Höhnergloven van de Seelüüd bi jüm op'n Schipp levt. He is de meeste Tied aver unsichtbor. De Naam Klabautermann oder Klabattermann kummt van dat plattdüütsche Woord "klabastern", wat soveel as "luut rumloopen/pultern" bedüden deit. Kalfatermann kummt van "kalfatern", wat "een Schipp afdichten" meent. De Klaubautermann hölpt de Seelüde ok dorbi, dat Schipp in Schuss to holen. Mit sien Kalfaterhamer kloppt he düchtig an de Wänn, wenn dat Schipp mal wedder nödig heelmakt warrn mutt. He wohrschaut, wenn Gefohr droht. Aver wenn he sik van de Seelüde nich good behannelt föhlt, dann fangt de Klabautermann an, Schavernack to drieven.

Illustration ut dat Book Zur See, van 1885