Klaus Fischer (Footballspeler)

Klaus Fischer (* 27. Dezember 1949 in Kreuzstraßl bi Lindberg, Landkreis Regen) is en ehmalge düütsch Footballspeler un aktuell -trainer

Leven

Klaus Fischer keem vun de SC Zwiesel to’n TSV 1860 München un speel in de Football-Bundsliga 535 mal för 1860 München, FC Schalke 04, de 1. FC Köln und de VfL Bochum. He wunn 1972 mit Schalke 04 un 1983 mit 1. FC Köln den DFB-Pokal. Schalke 04 weer en vun de in de Bundsliga-Schandal 1970/71 verwickelt Vereens, as en vun de bedeeligt Speler kreeg Fischer en levenslang Sperr, de man nahderhenn aber up een Johr kört hett.^[1]

Sien 182 Bundsligadoren för FC Schalke 04 sünd bit hüüd Vereensrekord.

Fischer hett dorto 45 Lännerspelen för van 1977 bit 1982 Düütschland bestreeden un dorbi 32 Doren schaaten, dat is nah Gerd Müller de best Quote (0,71) vun en Top-10-Störmer un vun en Störmer mit mindst 45 Lännerspelen. Fischer hett ok an twee Football-Weltmeesterschapen deelnommen un wurr 1982 in Spanien Viezweltmeester.

Bekannt wurr Fischer vör allen dör sien Fallrüchtrecker, de hüm meest vun Rüdiger Abramczik upleggt wurrn. Sien berühmtst Door schoot he 1977 in en Lännerspeel tegen de Swiez, wat 4:1 utgung. Dor hett he dat Door vun’t Johr, vun dat Johrteint un dat Johrhunnert schaaten. Tominst is dat Door dorto in de ARD vun de Zuschauers wählt wurrn.

1976 wurr he in de Bundsliga Doorschüttenkönig. Mit 268 Doren liggt he achter Gerd Müller up Platz 2 vun de ewig Doorschützenlist vun de Bundsliga. 1988 hett Fischer sien Karriere beend. 1992 weer he nochmol as Trainer för Schalke 04 tätig un bedrifft jetzt en Footballschool.

Erfolge

1972 DFB-Pokal-Winner
1972 Düütsch Viez-Meester
1976 Bundsliga-Doorschützenkönig (29 Tore)
1977 Düütsch Viez-Meester
1982 Viez-Weltmeester
1982 Düütsch Viez-Meester
1983 DFB-Pokal-Winner
1988 DFB-Pokal-Finale

Einzelnachweise

↑ Interview mit Klaus Fischer up Fussball Journal Online, Ausgabe 05/2006, letzt Uproop 24. April 2008

Weblenken

Klaus Fischer (Footballspeler) in de Internet Movie Database (engelsch)
Die Klaus Fischer Fußballschule

Doorschüttenkönig von de düütsche Football-Bundsliga

[1] Interview mit Klaus Fischer up Fussball Journal Online, Ausgabe 05/2006, letzt Uproop 24. April 2008

[1]