Klaus Groth

een vun de wichtigsten plattdüütschen Schrieverslüüd

Dit Woort hett noch annere Bedüden: kiek dorför ünner Klaus Groth (Mehrdüdig Begreep).

Klaus Groth (* 24. April 1819 in Heid, Dithmarschen; † 1. Juni 1899) weer en bekannten plattdüütschen Schriever.

Klaus Groth (1888, vun C. W. Allers)

Klaus Groth is den 24. April 1819 as de Söhn vun en Möller in Heid boren wurrn. He weer Lehrer in Heid. Bet 1853 leev he en poor Johr op Fehmarn. Do schreev he sien plattdüütsch Book „Quickborn“, wat 1852 rutkeem. Dör dat Book is he beröhmt wurrn.

1853 trock he mit 34 Johr no Kiel. He maak sik hier vun Oktober 1854 bet April 1855 mit Professer Karl Müllenhoff an’t Opschrieven vun de plattdüütsche Grammatik un Orthographie un ok an ne’e Utgaven vun de „Quickborn“. In den Winter 1854/1855 wörr dat Prosawerk „Vertelln“ maakt.

1858 schreev he de „Briefe über Hochdeutsch und Plattdeutsch“. In dat sülve Johr schreev he „Vær de Gærn“.

He wörr 1857 Professer in Kiel, man he is do blots Honorarprofesser för Germanistik bleven. To sien 80. Bortsdag geev em de Städer Kiel un Heid dat Ehrnbörgerrecht. An de Steed vun sien Huus in Kiel steiht vundaag en Siekenhuus, dat den Naam Quickborn hett.

Böker ännern

Gedicht (Utwahl) ännern

  • Abendfreden
  • Dar weer en lüttje Burdiern (Dar weer en mal ne lüttge Buurdeern)
  • De junge Wetfru
  • De Mæl (De Moel, De Möhl)
  • He sä mi so vel
  • Hartleed
  • Keen Graff is so breet
  • Matten Has’ (Lütt Matten ü.a.)
  • Min Jehann (Ik wull, wi weern noch kleen, Jehann ü.a.)
  • Töf mal!
  • Wahr di!

Weblenken ännern

  Bi’n Wikiborn gifft dat Originalschriften vun den Schriever: Klaus Groth.